Ko’alia konaba feto, la seluk la let, lori ita nia hanoin konaba inan, bin, feton, ita nia kaben, oan feto, inklui feto hotu ne’ebé, ita haree iha uma, servisu fatin, merkadu, no fatin sira seluk.
Oinsa ita bele dehan katak, mundu ne’e, la seguru ba feto. Ho ida ne’e, livru balu iha versaun lian Indonesia hakerek katak, “Dunia ini tidak aman untuk wanita”, tradus fali ba tetun, Mundu ne’e, la seguru ba Feto.
Entaun, sentidu la seguru mak saida? Nia resposta simples tebes, maibé todan liu fali foho Ramelau no Matebian.
Feto nia moris laseguru mak hanesan, dala barak tebes iha haree, iha sociedade nia let, iha feto barak ho idade klosan, kaben na’in, deborsiada, tenke hasoru problema sira hanesan, violensia domestika, violensia seksual, mal trata, sai atan, inklui ema seluk aproveita sira nia belesa, liu –liu feto vulnerabel sira, halo esplorasaun, ikus mai bele atinji ba objetivu pesoal no grupu. Situasaun ne’e, akontese iha Mundu tomak, inklui Timor – Leste, iha oras no minutu ida ne’e.
Tenke aseita katak feto barak terus, tanba la’en sira nia hahalok aat
Kazu tara aan iha suku Bebonuk, domingu (16/05) foin lalais, tuir familia matebian nia sasin dehan, matebian tara aan, ho motivu rua, deskonfia la’en no inisial T. C halo agresaun fizika, no pratika hahalok ne’ebé bolu dehan selingkuh.
Tanba ne’e, ho akontesimentu ne’e, ba mane hotu, labele haree ba kasu Bebonuk, ho de’it matan negativu, mas ida ne’e, sai referensia bot no importante ba mane hotu, nu’udar la’en, pelu menus buka respeita netik feto sira, hanesan fen kaben, nu’udar ita nia knosen, la’os sama tu’un fen sira ba rai, iha ain okos, hodi haree sira, hanesan ai – tarak. ****(Time)
Discussion about this post