Asaun MUTL Hetan Apresia – Predator Sexual Hafoer Imazen Universidade

Ligasaun ho lei Pensaun vitalísia, ne’ebé hamos ona iha Nasaun ne’e, konta mós ho esforsu no asaun sira ne’ebé hala’o husi Movimentu Estudante Universitáriu Timor – Leste, kompostu husi Universidade lubuk Ida, UNTL, UNPAZ, UNDIL, no Unital.

Envolvimentu – Perfomazen Estudante Timoroan nian, liuhusi MUTL, ba hapara sosa prado ba Deputadu 65, sai momentu istoriku iha Timor-Leste.

Alende ne’e, asaun demostrasaun MUTL iha fulan Setembru 2025, halakon mós lei mensal pensaun ba deputadu reformadu sira.

Tanba ne’e, ho progresu ne’ebé luta husi MUTL, halo mundu internasional, inan – aman, sociedade civil, partidu politiku sira, apresia no hato’o apresiasaun inklui mós hato’o parabens ba Universidade Sira ne’ebe haruka- orienta estudante sira partisipa iha asaun MUTL.

Enkuantu relasiona ho asaun oknum dosente balu, ne’ebé iha informasun no publika iha media sosial, hodi hatete deskonfia iha pratika asedu Sexual iha Universidade rua ou tolu(UNTL – Undil), lori fali tristeza – laran moras, la seguru ba estudante feto sira – inan aman, organizasaun feto, hodi konsidera katak, afinal oknum predator ne’ebé deskonfia ba asuntu Asedu seksual, ida ne’e hafoer Imazen – naran di’ak Universidade nian hanesan instituisaun Akademika iha valor ba formasaun rekursu humana País nian.

“Klaru ita ema sala nain, maibé halo los asaun ladiak iha Instituisaun akademika. Kampus Nu’udar fatin aprende. Estudante feto sira iha universidade lubuk ida sai vítima hodi konsidera dehan. Sira hetan asedu seksual, nune’e ema balu kontinua duvida hodi dehan, informasaun falsa no bele los. Maibé se iha ahi suar, signifika iha ema ida mak Sunu. Husi hahalok sira ne’e, universidade nia naran foer tanba de’it oknum balu nia hahalok, ne’ebé Ita hanaran predator Sexual, subar iha kampus sira hodi pratika asedu seksual”

Tanba ne’e, estudante sira husi UNTL, UNDIL konsege realiza komunikadu imprensa, hodi ezizi ba Universidade no parte justisa hodi haree ba Kazu refere.

Pozisaun Universidade haree ba kazu asedu Sexual

Parte universidade balu kooperasaun di’ak tebes hodi haree ba Kazu deskonfia asedu seksual iha kampus, no husu mós ba vítima sira tenki aprezenta faktus.

Iha estudante fetooan balu konsege deklara ho anonimu relata kona-ba hahalok asedu seksual, ne’ebé Komete husi edukador ka oknum dosente balu, signifika la’ós dosente hotu.