Hahu iha fulan Desembru 2025, asidente trafeku kuaze akontese iha Munisipiu sira inklui kapital Dili, hodi hamosu vitima lubuk ida espesialmente iha estrada publiku.
Relasiona ho kazu asidente Iha Vemase no asidente Iha Comoro parte Akademia Polisia Nia oin, fonte balu rekonese, motorista viola sinais Tranzitu maske DNTT monta ona sinais labele Volta – tama iha estrada entre INAP no Sentru Formasaun Polisia nian Iha Comoro – Dili.
“Se ita falta respeita ba sinais tranzitu sira Iha dalan publiku mak Iha deit rua. Nain mak mate ou hamate ema seluk”
Martinho esplika dala wain ema, liu – liu idade joven konduz motor 🛵 la uza kapasete no lahanoin katak, ne’e perigu ba Vida. Se halai makas ona kuandu la kontrola, okupa ema seluk nia diresaun, sikat tu’un sae maka fasil hetan dezastre iha dalan publiku. Ida ne’e mak durante ne’e akontese,” hatoo husi sidadaun Ida ho naran Martinho Pereira.
Husi parte seluk, komparasaun balu hatoo hodi rekonese katak, Iha tempu Portuges asidente mosu menus tebes tanba atu sai sofer presiza tempu naruk.
“Uluk tempu Portuges no Indonezia nian sofer bele konta ho liman fuan. Ema ida husi ajudante ba Sai sofer atu fo bolante han tempu barak. Sofer atu fiar lori kareta hanoin ba hanoin. Kondutor Antigu sira maioria karak matenek. Entaun Agora ne’e, se – se deit bele Sai sofer feto no mane, idade labarik mós bele. Nune’e dezastre mós aumenta. Kondutor agora ba idade joven maioria la preokupasa kondisaun kareta nian, naran katak, kareta no motor bele halai entaun dezastre mosu kuaze Iha fatin – fatin kada loron. Dezastre mosu liga mós ba konsensia. Klaru katak bainhira ita viola no la respeita ba sinais tranzitu asidente sei mosu tanba dalan publiku la’ós ita mesak mak uza”
Antes ne’e, hodi miminiza asidente trafeku iha dalan publiku parte DNTT no parte polisia komunitaria no parte Tranzitu nian kolobora ho eskola sira hanesan Cristal no kampus sira Iha Dili, sosializa regra sira ba estidante sira, oinsa uza dalan publiku ho seguru nune’e hanesan maneira Ida bele minimiza numeru asidente trafeku iha Rai laran.
Observasaun media ne’e nian iha bairo balu iha Kapital Dili, inan- aman balu deskonfia konsiente oan sira hodi konduz motor no kareta maske seidauk iha karta kondisaun.
Ho ida ne’e, minoridade balu soke hamate ema Iha dalan publiku, uza motor no kareta ikus mai ba tribunal autor defende aan dehan, Nia sei minoridade, nune’e familia balu so resolve tuir dalan familia ka indeminizasaun hodi familia vitima sente lakon fiar ba justisa.
Copy – Foto husi Facebook
Discussion about this post