Antes Hala’o Seremonia Solene Gradusaun ISC – ba dala 17 – Iha Misa Agradesimentu ba Finalista ISC

Instituto Superior Cristal – ISC, Iha loron 29 fulan Desembru 2025, sei realiza Seremonia Solene graduasaun ba Finalista hamutuk 1237.

Tanba ne’e, liuhusi Padre Provinsial Salesiano Don Bosco Timor- Leste, Pe. Anacleto Pires SDB, Iha Salaun Enkontru Don Bosco, Comoro – Dili, realiza misa agradesimentu Ida hamutuk ho Estudante finalista ISC, husi Fakuldade rua(Fakuldade Siensia Saude- Edukasaun) nu’udar sinal agradesimentu ba Maromak, tanba matenek Nia hun mak Maromak inklui suporta sira hotu ligasaun ho prosesu Ensinu Iha Nivel Superior espesialmente iha kampus Cristal.

Votus Felis Natal no dezeizu Prospero Tinan Foun 2026, husi Sentru Impresaun Sylvia Dili

“Ba imi finalista sira tenki kuda metin prinsipiu Salesiano nian, hodi buka sai Sarani ne’ebé diak no Sidadaun honestu. Kaer metin mós sistema preventivu Don Bosco nian(Razaun, Relizaun no Domin). Misa Agradesimentu ne’e, hodi hateke ba kotuk no ita agradese nafatin ba Maromak, kampus no Iha esperansa la’o ba oin nafatin,” omilia husi Amu Provinsial Anacleto Iha Salaun Enkontru Don – Bosco, Comoro – Dili, Sabadu(27/12).

Iha fatin hanesan Presidente Ezekutivu FC,.Prof Dr. Agostinho dos Santos Gonçalves, liuhusi palestra badak esplika katak, ho misa Agradesimentu refere, hato’o gratidaun no sinal agradesimentu ba Maromak tanba kb’iit sira husi ispiritu Santu nian, finalista sira konsege to’o ona fase Graduasaun ninian, no agradese mós ba dosente sira tanba fahe ona Matenek iha kampus no familia sira nia suporta material, ispritual no moral ninian.

Enkuantu Vice Reitor I – ISC, Dr. Jacinto Oliveira Junior esplika katak, ho misa ne’e alende hanesan sarani, sidadaun, estudante, importante mak buka hodi nafatin moris tuir prinsipiu estudante Salesiano nian tanba kampus Cristal la’ós deit fo formasaun nivel Akademika maibé Iha mós parte ispritualidade hodi forma estudante sira, bele sai Sarani ne’ebé diak no Sidadaun ne’ebé honestu.

Observasaun media nian ne’e, iha Salaun Enkontru Don Bosco Comoro, Dili alende Iha prezensa masima husi finalista sira, prezensa mós husi amu kapelaun Cristal nian Pe. Manuel Pinto,SDB hodi selebra misa hamutuk ho amu Provinsial Salesiano Don Bosco, Timor – Leste Pe. Anacleto Pires, SDB.