Antonio ne’ebé la’os naran loloos, hala’o domin no Maria, dezde tempu Portugés iha epoka antes tinan ida akontese invazaun 7 Desembru 1975.
Tempu ne’eba, sira rua hela iha aldeia hanesan, iha suku hanesan, munisipiu hanesan, ne’ebé partense ba Provinsia Timor – Portugis.
Depois akontese Invazaun, sira rua fahe malu, no laiha tan kontaktu hodi renova sira nia relasaun domin. Antonio iha ai – laran sai kaer kilat hodi defende Soberania RDTL.
Entretantu tuir istoria balu konta husi familia Antonio nian dehan katak, sira hakfodak tebes no sente hamnasa maibe akontese iha realidade, bainhira Antonio mate, foin lalais (Novembru 2021), tanba loke Antonio nia mala, hetan Maria nia foto, ne’ebé hamutuk ho ropa sira, surat balu nu’udar memoria domin nian, ne’ebé tempu ne’eba, sira sei klosan fó ba malu.
Tanba ne’e, familia dehan “Domin ne’ebé Bulak liu mak halo tiha juramentu, ikus mai, Feto – Mane la hola malu ka moris hamutuk.”
Familia rekonese, domin Antonio nian bot tebes ba Maria, tanba forsa inimigu sira kuandu iha sira nia aldeia sunu hotu uma sira, maibé lahatene oinsa Antonio bele asegura memoria sira ne’e, to’o ohin loron 2021!.
Husi Istoria ne’e, tuir matenek nain balu husi Indonesia (Dokter Cinta/Doutor ba Domin) hasai liafuan ida dehan, -Ema hotu iha sentimentu domin, maibé sentimentu domin ida ne’ebé furak no kapas teb- tebes, dala ruma halo ema sai bulak, bele to’o mate tan, mak sentimentu domin entre feto ida no mane ida. Kuandu sira hadomi malu, laiha ema ida iha kbi’it atu deskobre no koko hafahe sira.
Tanba ne’e, hanoin balu dehan, – Ba klosan sira ka ema ne’ebé seidauk iha par, mane ka feto, iha servisu fatin, festa, no fatin seluk tan, karik ema ruma hatudu sentimentu domin, liuhosi hahalok, maneira, espresaun, ida ne’e tenke apresia, tanba domin ita labele kaer ho liman no haree ho matan. Maibe domin ne’e entre feto ho mate bele espresa ba malu.
Diferansa casar por acidente no casar por Amor
Profesora Portuguesa ida Dili hanorin lian Portuges ba Jornalista sira dehan nune’e, Você casar por accidente ou casar por amor? Mala’e Timor kulit metan ida dehan, ne’e signifika oinsa?
Profesora fó esplikasaun Katak, – Casar por accidente mak domin ida ne’ebé obriga, domin ida ne’ebé haree liu ba riku soin, domin ida ne’ebé, la ho sentimentu nu’udar umanu, maibe ho sentimentu seksualidade, ikus mai feto ida ho mane ida, bele forma familia, maibé nia valor sei la kontribui ba felicidade.
Sentidu Casar por amor mak, ema rua (Feto – Mane), forma familia liuhosi domin, laharee ba riku – soin, maibé domin hanesan base fundamentu ba sira nia solidu, unidu, hodi ikus mai hetan grasa husi Maromak, halo sira sai felicidade to’o mate.
Tenke hanoin katak, fisikamente domin ne’e iha sentidu lapermanente signifika katak, hanesan lian Indonesia dehan “Cinta tak selamanya memiliki” katak domin ne’e,la’os ba ita atu hamutuk bebeik(memiliki), tanba domin hotu la perfeitu, só domin perfeitu mak mai husi Nai Maromak.*****(TT)
Discussion about this post