Debate OJE 2021, iha fase espesialidade, iha fulan Desembru 2021, prediksaun balu iha Parlamentu Nasional hato’o, posibilidade bot, OJE 2022, husi montante atual billaun 1, pontu seis, bele sa’e fali ba billaun ida pontu sia, tanba de’it ho alterasaun ba proposta sira, bazeia ba osamentu por programa.
“Ita hatene montante atual iha fase generalidade Billaun ida pontu seis, maibé agora tanba de’it iha alterasaun ba proposta sira, iha fase espesialidade ne’e, soma ba mai, to’o ona billaun ida pontu oitu, montante ne’e, iha posibilidade bot, sei bele to’o ba, Billaun 1 pontu – sia”.
Enkuantu durante debate ba OJE, iha fase espesialidade proposta balu maske iha alterasaun hodi hamenus no aumenta montante osamentu, proposta lubuk ida mós la konsege pasa.
Ligasaun ho debate OJE, Domingas Quintão, nu’udar vendedora ida iha Merkadu Manleuana dehan, iha Parlamentu Nasional ne’eba ita rona montante osamentu ne’e, billaun ba billaun maibé povu ne’e, sei ki’ak nafatin.
“Ami nia moris mak nunee’ ona, maibé ami rona osamentu kada tinan Estadu aprova billaun ba billaun iha uma fukun, maibé realidade povu ki’ik ne’e, mesmu iha Dili, be’e laiha, Estrada kontinua a’at, eskola sira mós barak mak sei a’at, sintina iha terminal sira be’e laiha, ema so’e foer arbiru, ida ne’e Governu tenke haree, la’os dehan ami husu osan ba Estadu”, lian Domingas hato’o ba Media ne’e liuhosi entrevista iha Merkadu Manleuana, tersa (14/12).
OJE tenke preoridade ba Politika desentralizasaun
Deputadu bankada opizasaun iha debate OJE 2021, iha fase espesialidade iha loron 14 fulan Dezembru 2021, hato’o katak, politika desentralizasaun la’o la dia’k, maske iha ona Politika reforma ba Desentralizasaun ne’e rasik.
“Ojetivu politika desentralizasaun iha objejetivu rua. Lori administrasaun públika besik ba povu, no ida selu, bele habadak birokrasia. Maibé realidade la’o oin seluk tanba laiha osamentu no preoridade ne’ebe di’ak”, lian deputadu Arão N. de Jesus.
Husi parte seluk, Estatal mós rekoñese katak, edifisiu ba asembleia Munisipal sira mós seidauk iha, tanba de’it, iha munisipiu sira, kontinua menus rekurusu umanu, iha parte Enjeneiru Civil ho nia espesialidade sira.
“Iha Munisipíu sira Rekursu umanu sei menus, iha parte enjeneiru Civil. Durante ne’e, iha de’it enjeneiru na’in rua, sira nia kualidade ba dezeñu obra mós, seidauk di’ak. Tanba ne’e, ami halo ona rekrutamentu hodi kompleta numeru”. Lian parte Estatal fó sai iha Midia Nasional loron 15 fulan Desembru 2021.****(TTM)
Discussion about this post