Bazeia ba Istoria Nasional, depois Timor – Leste, proklama Independensia Unilateral iha loron 28 fulan Novembru 1975, liu de’it loron balu, tama iha loron 7 fulan Desembru 1975, akontese invazaun militar ho eskalaun bot(ataka husi Tasi, lalehan no Rai), ne’ebé lansa husi forsa Rezime ditadura Soeharto.
Votus Parabens ba loron restaurasaun RDTL ba dala 23, hato’o husi Sylvia – Dili, Printing
Ho Situasaun invazaun mai Timor – Leste, Maioria Povu la simu tanba ida ne’e, konsidera hanesan asaun illegal, nune’e povu Maubere durante tinan 24 nia laran, hamri’ik luta hasoru okupasaun forsa estranjeira nia ezistensia iha Timor – Leste.
Enkuantu durante prosesu luta(1975- 1999) ema barak mate, fakar ran, lakon sasan no hasoru terus oin – oin inklui akontese masakre sira, nune’e ikus mai liuhusi Eventu Historiku “Votasaun 30 de Agostu 1999”, Timoroan sira hili haketak aan husi Repúblika Indonesia, hodi moris hanesan Nasaun Soberana – Independente.
Timor – Leste restaura Fali nia Ukun Aan
Depois Timor – Leste, restaura fali nia independensia iha loron 20 fulan Maiu tinan 2002, nune’e Bandeira Nasional RDTL, ofisialmente hamri’ik ho bandeira Nasaun seluk nian iha Organizasaun Nasoes Unidas, ne’ebé lokaliza iha Nova Iorke(Estadus Unidos Amerika), ofisialmente asiste husi Sr. Kay Rala Xanana Gusmão, ne’ebé reprezenta Povu Timoroan sira tomak.
Sai hanesan Nasaun ida hodi refleta restaurasaun ba dala 23(20/05/2002 – 20/05/2025), refere ba prosesu luta ba Livertasaun Nasional, lider Rizistensia, eis Falintil, Povu Maubere no Timoroan tomak ne’ebé, sai sasin direta ba iha prosesu ba luta naruk povu Maubere nian rekonese, durante tinan 1975 – 1999, situasaun ida moruk ba Timoroan Sira, nune’e susar atu esplika ho liafuan. Parabens loron Restaurasaun RDTL ba dala 23.
Discussion about this post