Nadia Carvalho de Jesus(29), nu’udar sidadaun feto Ida ne’ebe, iha kreatividade di’ak tebes ba halo dose ho modelu oin -oin(kukus, Saboku, da’an no seluk tan), utiliza deit produtu lokal Sira hanesan batar, fehuk, ai-farina, lakeru no seluk tan.
Nia esplika, atividade kreativa ne’e, hahu ona iha loron 20 Fulan Setembru tinan 2022, iha Aldeia, Virgoloso, Vila – Verde, Vera Cruz, Dili, besik Igreja Katedral Dili.
“Ha’u nia kreatividade ba halo dose durante ne’e, uza produtu lokal la uza kimiku. Parte lubuk Ida Mak sai ona parseiru, hodi Sosa produtu hirak ne’e, hanesan Oxfam, Restaurante Asarini, USAID no seluk tan,” hato’o husi Nadia ba media ne’e liuhusi entrevista badak iha Nia Rezidensia Vila Verde, Dili iha loron, tersa(09/07).
Tanba ne’e, Nia husu ba pesaol ou organizasaun ki’ik e bot ne’ebe eziste iha Dili laran, hakarak Sosa ou hameno ba hala’o atividade sira, workshop, enkontru ruma, ka Festa kultural, sarani, bele hakat to’o ba aldeia Virgoloso, Vila – Verde Dili.
“Ami bele halo dose kek, uza produtu lokal mos bele. Se Sosa iha Ami Nia loza , Osan sira ne’e, ba Sosa tutan fali to’os nain Sira Nia produtu lokal sira. Laran kma’an bele vizita ami” lian menon husi Nadia.
Hatan pergunta Ida, husi media ne’e, tanba sa, iha interese ba halo dose Sira, gosta utiliza de’it produtu lokal, responde husi Nadia dehan, hahan uza produtu lokal lori nutrisaun di’ak ba Saude. Alende ne’e, iha valor ekonomiku, liu – liu Osan bele sirkula iha Rai laran hahu husi base.
“Inisiativa halo atividade ne’e, idea Mai husi ha’u – nia mama Cesaltina A. Matos.Ami prefere uza produtu lokal hanesan marka diferente. Ami iha ona lisensa. Problema Ida ha’u hasoru, hanesan dezafiu Mak kona-ba transporte(motor). Tanba ne’e karik iha Ema laran di’ak ruma, hakarak ajuda Ami agradese, tanba ida ne’e bele ajuda ona, hodi falisita produtu hodi lori ba kliente Sira”. Hato’o hodi hakotu.””””(TTM).
Discussion about this post