Sidadaun ida no naran Mautersa Mendoça husi Munisipíu Aileiu dehan, dala wain se mak iha pozisaun Umane, gosta hodi inventa tun sa’e, nune’e bele dehan kasar kuaze maioria ho arogansia ida – idak, no ulitiza politika ignoransia (keterbelakangan), hodi explora nia feto san sira.
“Kultura ne’e diak maibé tenke minimiza, tanba kuitadu feto san sira mós, dala ruma uma ladia’k, moris aat hela, han – hemu, no hatais de’it mós laiha no lahetan maibé kasian ita rohan uma sira tesi ida ne’e, tesi ida ne’ebá. Se ita iha osan laproblema mak laiha,” dehan Mautersa ba media ne’e, iha Merkadu Halilaran, kuarta(10/02).
Tuir nia esplikasaun bain – bain rona mak hanesan ne’e, – Imi tenke lori karau. Lori Osan, hatama folin. Mai Sobu avo sira nia rate maske ema sira refere, mate tinan ona husi tinan atus ba atus. Se imi latama avo sira sei babeur imi. Hato’o nia hodi hakotu.
Timor Nasaun la’ós ukun ho kultura
Media ne’e halibur opiniaun balu husi parte akademika dehan, Rai Timor, sai ona Nasaun ukun aan ida, hanesan Nasaun sira seluk iha Mundu. Tanba ne’e, hodi minimiza hahalok explorasaun ligadu ho kultura arogansia, orgaun Estadu nian sira hamutuk ho parte relevante (Igreja), lalais buka ideia no halo konkordansia ruma para halakon ou minimiza explroasaun hasoru ema ho ema.
“Ita Timor ne’e, ema barak kontinúa moris mukit. Maibé, iha Munisípiu hotu, hanesan Ermera, Ainaro, Baucau, Liquiça, Aileu, ema halo lian uza osan barak iha loron ida. Fila ba uma han maran. Labarik sira má nutrisaun. Labarik barak la eskola, tanba ne’e, husu ba Estadu no Governu Timor, tenke kria lei adekuadu ruma, hodi kesi hahalok esplorasaun sira ne’ebé aseitabel iha sociedade Timorense.” Lia rekomendasaun parte akademika nian. *** (Time – Oscar)
Discussion about this post