Selebra Festa Maria Auxiliadora Cristal Realiza Misa Asaun Grasa

Loron 24 fulan Maiu, nu’udar loron ba Selebrasaun festa Inan Maria Auxiliadora, ne’ebe sai nu’udar Sarani sira tulun(Protetor)

Tanba Inan Maria Auxiliadora mos nu’udar Mahein ba Instituisaun Educativa Cristal – Fundasaun Cristal, nune’e liuhusi amu kapelaun Cristal, Pe. Manuel Pinto SDB, hamutuk no fundadores Fundasaun Cristal, manorin nain Sira, estudante husi ensinu basiku to’o Ensinu Superior, realiza misa Asaun Grasa iha kampu Futsal Cristal Balide – Dili, ho intensaun husu Bensaun, tulun, no beran ba Maromak.

ligasaun ho misa asaun grasa ne’e, Pe. Manuel Pinto, SDB liuhusi omilia Santo esplika katak nu’udar Sarani atu nafatin hodi bele Moris no banati tuir modelu Inan Maria Auxiliadora nian, tenki hatene haraik Aan, prontu hasoru difikuldade Sira iha Moris, hanesan Maria hadomi Jesus to’o mate iha Cruz.

Amu selebrante mos husu Filho/a Maria Auxiliadora Sira, presiza pratika Domin liuhusi asaun karidade iha vizinu no tulun malu nafatin, liu – Liu iha situasaun ne’ebe difisil no necesariu.

Iha Fatin hanesan Presidente Ezekutivu Fundasaun Cristal, Dr. Agostinho dos Santos Goncalves, rekonese katak durante tinan 41, ho tulun husi padrueira eskola nian(Maria Auxiliadora), konsege eduka oan Timoroan Sira iha parte edukasaun no parte evanzelijasaun ninian.

Observasaun media ne’e nian iha misa asaun grasa ne’e partisipa mos husi Eis Primeira Sama Sra. Cidalia M. Guterres, Sr. L – 7, Cornelio da C Gama, Grupu Arautos Evajeilho hamutuk ho konvidadu Sira seluk.