Dili, 20/04/2025 – Benefisiarius no komunidade Sira ne’ebe tama iha area Eviksaun ba alargamentu estrada, parte tasi ibun suku Bebonuk, aldeia Metin I, to’o oras ne’e, kontinua hein Osan ba Indeminizasaun tanba Governu seidauk realiza pagamentu ba benefisiarius.
Agus Olo, hato’o komentariu dehan maske bebeik ona tenta liuhusi parte kompetente e promete iha tempu badak Sei halo Indeminizasaun maibe to’o agora laiha rezultadu
” Uma Sira iha Fomento II, parte Ponte foun nian ne’ebe gusur, Governu selu ona. Oinsa ho Ami iha parte Bebonuk ne’e,” hato’o husi Agus.
Sidadaun ne’e dehan mos katak, bainhira laiha Indeminizasaun, nune’e Sei hari’i hikas fali baraka iha parte tasi ibun refere.
“Ami benefisiarius sira hamutuk ona iha lian Ida katak, karik laiha Indeminizasaun mak kontinua fali hari’i hikas Uma Sira iha fatin neeba hodi buka moris”. Hato’o hodi hakotu.
Fo hanoin fali katak, tuir dezenu husi parte Obras Publikas nian, tempu badak sei konstrui Ponte foun iha parte mota ain Comoro – Dili.
Objetivu estrada foun ne’e, Sei fasilita transporte ba – Mai iha Aeroportu Presidente Nicolau Lobato Comoro, Dili, liu – Liu bele fasilita vizita importante Sira, hodi labele hamosu engarafamentu.
Discussion about this post