Dili – 30/04/2025. Inan lubuk Ida neebe, dadaun ne’e Gravida(isin rua) hateten, bainhira sira ba konsulta iha sentru Saude Comoro, maske iha atendimentu di’ak hodi Tetu todan, no Koko labarik Nia kondisaun iha knotak, maibe kona-ba aimoruk, labele fo ba pasiente Sira, nune’e haruka ba Sosa iha Klinika.
“Iha duni atendimentu maibe aimoruk mak la fo Ami. Sira haruka fali ba Sosa iha Apotik. Ema balu Osan iha laiha problema, karik familia balu kbi’it laiha susar ba Sira, nune’e Sei lori impaktu ba Sira Nia saude hamutuk ho bebe iha knotak” relata husi Inan balu liuhusi media ne’e, iha resintu postu Saude Comoro – Dili, Kuarta(30/04).
Tanba ne’e, lamentasaun balu mos dehan, Dili nu’udar kapital Nasaun nian, aimoruk de’it laiha ona, oinsa ho postu Saude Sira iha area rurais ne’eba.
“Seidauk ukun promete halo hospital andar Sanulu. Promesa oin – oin de’it. Ukun Tia aimoruk de’it mos laiha. Kuitadu Povu ki’ik sira mate loron – loron. Bot Sira moras kois ba konsulta iha liur”.
Maske nune’e, pesoal Saude balu mos rekonese, aimoruk Mak laiha duni, tanba ne’e Sira Koko halo jestaun internal, inklui haruka pasiente balu obrigadu tenki ba Sosa aimoruk iha Apotik Sira.
“Aimoruk Mak laiha duni. Ami halo pedidu ba parte kompetente maibe seidauk iha resposta urgenti”
Discussion about this post