Loron 3 fulan Maiu, nu’udar loron Mundial ba liverdade Imprensa. Bazeia ba relatoriu husi ISF nian kona-ba rangking – index, liverdade Imprensa ne’ebe hato’o Asosiasaun Jornalista Timor Lorosa’e – AJTL liuhusi press Statement(03/05)relata liverdade Imprensa TL nian monu, tanba durante ne’e, husi pozisaun 20, hakiduk fali ba kotuk, to’o nivel 39, iha tinan 2025.
AJTL mos esplika katak, liverdade Imprensa Timor-Leste monu tanba media – Jornalista Timoroan Sira Nia servisu durante ne’e, iha terenu foti informasaun sira liga ho asuntu Eviksaun, Saude, no asuntu Seluk tan hetan impedimentu no violasaun sira hala’o husi parte Siguransa ho razaun balu. Aat Liu tan ministru/a taka informasaun ba media -Jornalista lokal signifika Ida ne’e viola direitu publiku nian hodi asesu ba informasaun.
Situasaun sai seriu liutan politika nain balu husi parte Secoms, Deskonfia halo intervensaun direta ba servisu media(Redasaun), liu – liu Media Estatal, inklui mos servisu media privadu balu.
Haree ba situasaun nee, Parte direitus Humanus Timor-Leste, rekonese bainhira rangking Mundial liverdade Imprensa monu, iha implikasaun bot ba dezenvolvimentu demokrasia iha Nasaun laran maske nivel Asean Timor Sei okupa iha primeiru lugar.
“Ita Agora Iha situasaun mean. Se liverdade Imprensa monu tanba intervensaun Sira husi Ema politiku nain Sira iha redasaun nune’e demokrasia mos mate. Se mate ona korrupsaun – iregularidade Sira Sei sae makas liutan. Ida ne’e Sei limita mos sidadaun Sira, labele fo nia hanoin liuhusi media tanba Sente tauk no laiha liverdade espresaun. Espera situasaun ne’e, rekupera lalais, se Lae futuru bele Aat liu.
Maske nune’e, okaziaun iha debate ki’ik Ida neebe organiza husi AJTL iha Farol – Dili, reprezentante Secoms rekonese, biar Liverdade Imprensa mundialmente TL monu, Ida ne’e, ba oin Sei hadia no sai Ema hotu nia Responsabilidade.
Peritu balu ba asuntu Media komunikasaun iha Timor-Leste dehan, iha tinan 2025, liverdade Imprensa monu tanba Pratika husi ukun nain sira(Ministru/a, sekretariu Estadu no seluk tan)hodi asegura Sira Nia pozisaun no poder ukun ninian.
Discussion about this post