12/10. Sura de’it ona loron, hodi Timor – Leste, sai ona membru Asean. Fo hanoin fali katak, esforsu Timor sai membru Asean liuhusi prosesu naruk.
Tanba ne’e, tuir ajenda Nasaun nian katak, tama ba iha loron 26 fulan Outubro 2025, nu’udar loron ofisial ba Timor – Leste, hodi sai ona membru difinitivu Asean, ikus mai aumenta númeru hamutuk ho Nasaun membru seluk, espesialmente iha reziaun Sudeste Asiátiku.
Pontu devista husi parte Akademika, sidadaun Imprezariu sira dehan, se Timor-Leste sai ona membru Asean, kuandu haree husi aspeitu ekonomiku, sei iha kompetisaun ida maka’as. Ho ida ne’e, ezizi tebes Kreatividade iha aspeitu hotu, hodi ikus mai Timoroan sira labele sai fali observador no bainaka iha nia Nasaun rasik ligasaun ho kampu traballu no seluk tan.
“Klaru katak Timor mós hola parte ona iha ASEAN, sim benefisiu iha maibé sasadik mós aumenta hodi ezizi Kreatividade no Kompetensia sira iha setor hotu hodi Nasaun nia ema sira labele sai fali observador ba setor hotu. Komparasaun rekursu humanu Timoroan nian ho Nasaun seluk, sira kualifikadu no preparadu tebes iha setor hotu – hotu, hodi evita ne’e formasaun, ita Nia karater tenki muda”. Opiniaun debate públiku ida iha Díli, Timor-Leste fulan Outubru 2025.
Entretantu Prezidente da Repúblika Sr.José M. Ramos Horta, liuhusi Media Nasional dehan katak, bainhira sai ona membru Asean, iha mós Serbisu ida todan tanba realiza reniaun no hala’o eventu bot sira iha komplesidade, ida ne’e ezizi ita nia jestaun, kapasidade bot ligasaun ho rekursu sira hodi buka solusaun.
Fo hanoin fali katak, serimónia ofisial Timor – Leste, sai membru difinitivu Asean, sei hala’o iha Malázia, hodi envolve mós bainaka importante sira husi Nasaun lubuk Ida. Tuir Ajenda Prezidente EUA, Donald Trump no Prezidente Republiku husi Brasil, Lula, mós sei hola parte.
Discussion about this post