Dosente ida husi Universidade Nasional Timor – Leste (UNTL), Camilo Ximenes dehan, refleta ba asuntu administrasaun Parlamento Nasional katak, tempu badak sei sosa kareta ba deputadu 65, Ida ne’e bele(la’os kestaun)maibe hanesan reprezentante povu, tenki haree no tau matan uluk lai, ba asuntu urjenti Sira hanesan falta be’e mo’os, falta aimoruk, ne’ebé daudaun ne’e, sai preokupasaun ida ba sidadaun ki’ik sira iha Nasaun ne’e.
“La’ós lá konkorda atu sosa kareta Prado ba Nai deputadu 65, maibé se bele sosa de’it ba hirak ne’ebe foin tama Foun. Agora kestaun mak ne’e, problema barak seidauk iha solusaun ezemplu Ai-moruk no be’e mo’os, maibé se kareta prado mak prioridade kada períodu, nee hatudu duni interese ne’ebé la afavor ba povu Nia Moris di’ak. Ida ne’e mos falun ho interese sira seluk” kestaun ne’e hato’o husi Dr. Camilo ba media ne’e liuhusi entrevista badak iha Kampus Faspol – Caicoli, Dili – Segunda (01/09).
Entretantu refleta ba hanoin balu Ezizi dehan, tenki hala’o demostrasaun hodi envolve estudante nivel ensinu superior hodi ezizi katak, Parlamentu nasional labele Sosa kareta no tenki halo barralla hanesan demostrasaun iha Indonesia, , dosente ne’e dehan, iha meius barak bele hato’o protestu, opiniaun sira maibé la’os ho Anarkismu tanba Prosesu hari’i Nasaun iha Lei no normas legais sira.
“Ema hotu bele hato’o ideas, Kritikas liuhusi meius sira ne’ebé tuir lei hatete. La’os ho tendensia Anarkismu hodi barrala situasaun sai ladiak hodi lakon vida, liu- liu iha Tempu liberdade ida ne’e tanba de’it interese ema seluk nian”. Hato’o hodi hakotu.
Fatin lahanesan iha Parlamentu Nasional, deputadu balu dehan, sosa kareta foun ba deputadu sira tanba iha kareta balu aat loos ona, balu liu ona tinan 10.
Deputadu Balu Uza Kareta Privadu
“Ami uza rasik ami nia transporte mai Servisu. Sosa ka lae, la’os kestaun ba ami. Maibe dehan sosa ba deputadu sira tanba sa Ida ne’e, labele”
Entretantu opiniaun seluk tan iha Parlamentu klarifika ona dehan, durante ne’e iha duni manutensaun ba kareta hirak ne’ebé iha, maibé presu mak Karun demais.
“Di’ak liu tenki sosa foun hodi hamenus gasta ba kestaun manutensaun nian. Kona-ba sosa kareta foun sei planu hela”
Entretantu organizasaun naun Governu balu mós hato’o opiniaun dehan, orsamentu ba manutensaun hadia kareta Nai deputadu Sira nian durante nee iha, tanba sa tenki Sosa Foun. Ida ne’e so gasta de’it Osan povu nian maibe problema barak mak seidauk iha solusaun hanesan falta Aimoruk, be’e mo’os no seluk Tan.
“Kada períodu ita Sempre rona sosa kareta foun ba deputadu 65. Maibé problema estrada, salariu ba profesor no funsionariu sira laiha mudansa”
Discussion about this post