Relasiona ho identifikasaun kilat Musan iha kontainer balu, ne’ebé identifikadu husi parte Kompetente ilha Timor-Leste, ikus mai hamosu komentariu no interpretasaun lubuk Ida.
Maske nune’e, Xefe Estadu atual rekonese, kilat musan hirak ne’e, mai husi Nasaun balu, no laiha problema ba Nasaun tanba Timor – Leste nia estabilidade, oras ne’e la’o di’ak hela no laiha problema nune’e hetan vizita husi ema oin- oin, hodi hato’o mós apresiasaun ba progresu sira.
“Asuntu kilat musan ne’ebé foin dadaun ita rona, laiha problema tanba mai husi Amerika. Ita nia estabilidade di’ak hela. Ema balu mak preokupa no hakilar ne’e kestaun politika,” Notisia RTTL, edisaun Kinta – 16/10.
Maske nune’e idea balu mós dehan, se Sasan hirak ne’e partense ba Estadu – Siguransa, tanba sa parte Kompetente sira laiha koordensaun ba malu, no bele espala informasaun halo públiku mós paniku.
“Se kilat musan ka arma mai husi liur, ida ne’e segeredu Nasaun nian tanba sa tenki fo sai ba públiku. Ita Nasaun ida ona tenki iha mós segeredu buat ne’ebe bele fo sai ok, iha kestaun balu hanesan siguransa no asuntu vital seluk, autoridade kompetente sira tenki asegura. Labele buat hotu ita konsidera halimar no gosta politiza ba ita nia interese”
Tanba ne’e preokupasaun balu dehan, bainhira Timor – Leste, sai ona membru Asean, se lei sira no regra alfândega nian la’o ladiak mak kontra bandu no krime organizadu sei buras liutan Tan.
“Ami iha alfândega durante ne’e, hatene no haree Ai-moruk aat balu tama inklui sasan kontra bandu Sira, maibé keixa ba tribunal buat hotu laiha prosesu kontinuasaun hodi bele prosesu tuir dalan legal”
Discussion about this post