Kuarta (15/12) semana ne’e, mais ou menus tuku 11, liu minutu tolu nulu resin ualu (38), Urna Max Stahl(Autor ba Filmajem 12 Novembru 1991) akompana husi familia (Fen – oan nain tolu, mane rua – feto ida), ho aviaun Qantas – Australia, to’o iha Timor – Leste, iha ne’ebé simu direta husi lisan Bidau Manu – Mata, KARKETU, no rua seluk tan, partense ba Munisipiu Dili.
Bainhira to’o iha Aeroportu Internasional, Presidente Nicolau Lobato -Dili, durante serimonia resepsaun simu direta husi lider rejistensia sira mak hanesan José M. Ramos Horta, Kay Rala Xanana Gusmão, parte ulun bot militar nian, reprezentante Oitavu Govenu Konstitusional, Fidelis L. Magalhaes, ne’ebé reprezenta Xefe Governu, Taur Matan Ruak, inklui mós mate restu sira 12 de Novembru 1991, Jornalista husi Media oin – oin iha Timor – Leste, hamutuk mós ho bainaka importante husi Rai laran no rai liur.
Entretantu antes to’o iha Salaun VIP Aeroportu nian, primeiru simu ho Tebedai no Tara Tais, akompana kedas ho parade Militar, ne’ebé organiza husi F – FDTL.
Hafoin ida ne’e, sai husi Resintu Aeroportu, hala’o Convoi haleu Sidade Dili, ne’ebé hetan siguransa husi Parte Polisia Nacional Timor – Leste (PNTL), liu –liu parte Tranzitu ninian.
Tuir Planu, Urna Max Stahl nian, alende sei hala’o vizita ba fatin lubuk ida hanesan, Eis Komarka Balide, horik iha Sporting Dili , ikus mai iha loron sesta(17/12), Max Stahl nia Urna, sei halot iha fatin ikus, Semetériu Santa Cruz, besik kedas iha fatin ne’ebé matebian tau kasete akontesimentu 12 Novembru 1991.***(Time)
Discussion about this post