Ministru Administrasaun Estatal Tómas do Rosario Cabral hato’o, loloos ne’e xefe suku sira labele asina dokumentu kompra e venda ba rai tanba ida ne’e, kompetensia parte Terras no Propriedade nia servisu.
Foto Facebook
“Durante ne’e, asuntu kona- ba asina dokumentu sosa no fa’an akontese hela. Loloos labele akontese tanba ne’e, Governu sei haree ba asuntu ne’e hanesan dala barak kuandu mosu ona problema envolve ona parte terras e propriedade maske iha inisiu laiha konesimentu ba parte kompetente,” hato’o husi Ministru Estatal iha Palacio Governu okaziaun hala’o Meet the Press iha loron 6 fulan Outubru 2023.
Hakarak fo hatene ba publiku katak, iha kasu oin – oin kona- ba rai. Sidadaun balu hela no uza propriedade Estadu maibé fa’an fali ba sidadaun seluk iha ne’ebé ida ne’ebé sosa ka sosa tutan hetan konesimentu husi xefe suku sira liuhusi asina dokumentu.
Kazu seluk sidadaun balu okupa ema nia rai no propriedade iha tempu kleur ikus mai fa’an ba ema seluk ou fó aluga tutan hetan asina husi autoridade lokal sira, liu –liu akontese iha Kapital Dili.
Maske nune’e, progresu ida hatudu komunidade ou ema estrajeiru ne’ebé okupa rai no propriedade estadu hala’o mós arendamentu liuhusi selu taxa.***(TTM)
Discussion about this post