Internasionaliza Ensinu Superior iha TL – Indonesia

• Vice Primeiru Ministru “Mariano Asanami” promote Governu da sia, tau ona 5 Miloens hodi haforsa atividade Ensinu Superior Privadu iha Timor – Leste, nune’e haree liu ba kualidade rekursu umanu espesialmente iha Timor – Leste.  

Iha loron 25 fulan Outubru tinan 2023, KIEPSTIL, ne’ebé nu’udar organizasaun ba Ensinu Superior Privadu iha Timor – Leste, realiza enkontru entre reitores sira husi Universidade Nasaun rua Timor – Leste, no Indonesia, hodi haree liu ba kooperasaun sira iha area edukasaun no parte Saude, inklui kestaun tekniku nian, nune’e bele internasionaliza ensinu superior sira husi Nasaun rua.

Presidente KIEPSTIL Dr. Salustiano Piedade dos Reis, ST.,M.Sc hateten, husi Timor – Leste, iha Universidade kuaze 18, mak partisipa iha enkontru importante ne’e, hamutuk ho universidade publiku no privadu sira husi Indonesia kuaze 43.

“Atu ba Asean, ou iha ona CPLP, ONU, G7+, universidade ne’ebé hala’o sorumutu ohin mezmu husi Indonesia, Timor – Leste, liuhusi enkontru ne’e sei haforsa liutan kooperasaun entre universidade sira, liu –liu iha nivel Asean nian. Ita nia enkontru ne ‘e nu’udar momentu istoriku ba rai rua maibe akordu hotu ne’ebé asina tenke iha realizasaun ”. Hato’o husi reitor DIT.    

Vice Primeiru Ministru “Mariano Asanami” partisipa abertura enkontru entre universidade husi TL   – Indonesia

Enkontru importante ne’e, hala’o iha kampus DIT, Ai – mutin, Dili iha ne’ebé partisipa direta husi Vice Primeiru Ministru asuntu sosial, Ir.  Mariano Asanami Sabino, nune’e liuhusi palestra promote Governu da sia tau osan 5 millaun, hodi apoiu no haforsa atividade ensinu superior privadu sira iha Timor – Leste.   

Enkuantu depois universidade privadu sira asina MoU no MoA, hala’o husi Instituto Superior Cristal, Instituto São João Bristo, DIT, Undil, UCT,   hamutuk ho universidade 43 husi Indonesia (Jakarta, NTT, Aceh, Ambom, Sulawesi), Adidu edukasaun husi KBRI Dili,  Prof. Dr. Phil. IKhfan Haris, M. SC. husu ba parte hotu, tenke forma equipa avaliasaun permanente ida nune’e hodi follow up fali ba MoU ne’ebé asina ona.

Entretantu esperansa husi Instituto Superior Cristal(ISC), DIT,  UCT, Instituto Filosia e Teologia Timor  – Leste, no universidade husi NTT hakarak realiza uluk servisu social liu –liu iha liña fronteira nian, antes hala’o asuntu importante seluk relativamente ho atividade ensinu superior nian. ****(TTM)