Debate ida iha GMN TV, loron 22 fulan Novembru 2021, Parte sira hanesan organizasaun CEPAD, ONG La’o Hamutuk, ONG Luta Hamutuk, liuhosi nia dirijente no peskizador balu dehan, Governante sira tenke konsiente no halo reflesaun katak, bainhira atu gasta OJE, tenke kuidadu se la’e Jerasaun futuru mak sei lori todan.
“Tuir istimasaun balu katak, kuandu ita gasta fundu petroliferu arbiru de’it, sei hotu iha tinan sanulu nia laran. Problema ba ita mak ne’e, fasil ba Jerasaun agora bele gasta, buat ida la kona. Maibé se mak responsabiliza iha futuru mai, hodi foti osan husi ne’ebé, ida ne’e se nia responsabilidade”, lian sociedade Civil Novembru 2021.
Iha debate ne’e, hanoin balu dehan, Ezekusaun OJE 2021, grave liu, tanba kuaze servisu husi Ministériu sira la la’o, hotu – hotu fokus ba Covid. Agora ita nia kapasidade ezekuasaun laiha ona, piur liu maka ba tinan 2022, prevene OJE ida bot tebes, kuaze Billaun ida, pontu neen. Ita bele ezekuta ou la’e, depois besik tan ona eleisaun Presidensial no parlamentar.
“Durante ne’e, benefisiu ezekusaun OJE ba povu ne’e, la’o oinsa ona. Lalika ba dok, iha de’it Kristu Rei, no Terminal sira iha Becora, Tasi Tolu, sintina públiku la funsiona ho di’ak, be’e laiha ida ne’e, Ministéiru sira servisu oinsa”, preokupa husi sociedade Civil.
Tuir observasaun husi Sociedade Civil hanesan mós parseiru Governu nian, haree katak, Problema ne’ebé seidauk hetan solusaun no presiza Governu nia intervensaun urgente ma be’e mo’os, alende iha DIli laran, inklui mós Munisipiu sira, maske Governu estabelese ona empreza públika ida Be’e Timor – Leste, hodi tau matan ba be’e no saneamentu. **** (TTM)
Discussion about this post