Idea Balu Hakarak Apoiu ba Kandidatu PR Dr. Rui M. Araújo

16/09/2026. Sidadadun Nasional ida ho Inisial A. C, nu’udar mós ema Rejistensia(Klandestina) dehan, iha tinan 2029, Timor – Leste, sei sai uma nain ba Enkontru entre Nasaun sira Nivel ASEAN nian ba dahuluk hafoin Timor – Leste, sai membru Difinitivu Organizasaun Regional ne’e.

Foto Arkuivo Orgaun Eleitoral

Tanba  ne’e A. C, apresia ba kandidatu hotu ne’ebé mak hakarak aprezenta sira nia kandidatura, hodi kompete iha Eleisaun Prezidensial ne’ebé, sei hala’o iha fulan Marsu tinan 2027.

“Nu’udar sidadaun ida la minimiza kandidatu ruma ne’ebé aprezenta sira nia kandidatura ba kompete kargu Prezidente da Repúblika, tanba mesak Timoroan de’it. Ba Ha’u haree husi pontu lubuk ida katak, ita  sai ona membru ASEAN, se karik avô Ramos kontinua avansa entaun ha’u sei apoiu. Maibé la avansa karik, di’ak liu apoiu ba eis Primeiru Ministru Rui M. de Araújo tanba durante tinan 3, konsege sai ona primeiru Ministru. Nia  hatudu duni abilidade iha lideransa no iha kapasidade intelektual durante asume knar nu’udar Xefe Governu,” asuntu ne’e, hato’o husi A. C ba media ne’e, liuhusi dada lia badak iha Lahane, Dili, Kuarta(16/09).

Tuir nia hanoin ida refleta ba Jerasaun  74, 75, husi Frente Armada ne’ebé hakarak mós aprezenta sira nia kandidatura la’os labele, maibé sira nia kontribuisaun bot tebes ba País ne’e, liu -liu iha tempu difisil tanba ne’e tempu ona ba sira hotu, hodi aproveita no hetan tratamentu espesial husi Nasaun RDTL.

“Sim Demokrasia ita hotu respeita ba ita nia aman no sidadaun sira hotu ne’ebé hakarak  kompete ba kargu PR. Maibé parte ida hanesan sidadaun tenki hanoin katak, ukun Nasaun iha era ne’ebé mosu komplesidade oin – oin, presiza duni sidadaun sira ne’ebé iha abilidade intelektual, integridade, no sai Prezidente ida ne’ebé akumulativu ba hanoin, respeita ba diferensa politika no seluk tan”, espetativa husi A. C, hodi hakotu.

Timorooan lubuk ida apoiu ba Jeneral Reformadu Lere Anan Timur

Opiniaun jeral balu fó sai ona katak, iha periodu ida ne’e, nu’udar momentu ikus ba jerasaun tuan sira, hodi kontinua okupa iha kargu topu sira(PR – PM), antes fo ba jerasaun foun tuir mai.

“Ba ami sei fó apoiu ba Ita nia Aman Jeneral  Reformadu Sr. Lere Anan Timur. Lider ida Ezemplar, iha Integridade no iha Lealdade ba Povu no Nasaun ida ne’e, desde tempu ida difisil hatudu ona liuhusi luta ida naruk nia merese ba kargu ida ne’e. Ami la – iha duvida”.

Tanba ne’e, Jeneral Reformadu ne’e, deklara ona atraves media balu katak, sei avansa hodi ba kompete iha eleisaun Prezidensial tuir mai, nu’udar ema Independente.

Maske nune’e, observador balu dehan, entre kandidatu sira ne’e, bainhira ida mak seidauk tula liman, ka hetan apoiu husi Sr. Kay Xanana Gusmão, ida ne’e susar ituan hodi ba okupa iha kargu Prezidente nian tuir.

“Depende ba forsa Politika nia desizaun liu – liu Povu hanesan Eleitor. Maibé tuir ami nia haree se kandidatu A ka B, Ou C mak hetan ona konfiasan ou suporta iha tempu kampaña  husi maun bot, posibilidade nia mak sei ba okupa kargu PR. Tanba Kandidatu lubuk ida hetan kargu PR, bainhira hetan konfiansa no suporta direta husi Maun Bot Kay Raxa Xanana Gusmão, hamutuk ho lider rejistensia sira seluk”.