Projetu Rekonstrusaun Maternidade iha Vila Antiga Baukau  Sai Ezemplu  ba Obra Seluk iha TL

Baukau, 28/09/3036. Nonu Governu Konstitusional liuhusi autoridade Munisipiu Baukau konsege rehabilita fali Maternidade ida ne’ebe kleur abandona, lokaliza iha Suku Bahu, Postu Baukau Vila, Munisipiu Baukau.

Obra ba maternidade  ne’e, konstrui dala rua ona  tanba iha primeira faze kompania ida mak finaliza obra ne’e mas tanba de’it la tuir dezenu – halo tuir hakarak – laiha kualidade, autoriadade Baukau, espsialmente PAM rasik la simu hodi haruka sobu fali, ikus mai ezizi kompania halo fali sai kaber hodi sai furak iha ema nia matan bainhira haree besik.

Tanba ne’e, idea balu dehan, obra ba rehabilitasaun ba maternidade ne’e, sai ezemplu ba obra seluk iha Timor – Leste, liu -liu sai referensia importante ba Projetu nain(Governu), hodi haree ba obra hotu bainhira la tuir dezenu karik, ezizi kompania manan nain tenki sobu hodi halo sai furak tuir dezenu ne’ebe mak iha ona, la’os halo nar – naran de’it ka laiha kualidade mos fo ona ba projetu nain – Governu.

Istoria badak kona – ba maternidade ne’e.

Istorikamente Maternidade ne’e, Konstrui  ona iha tempu Portuges, hodi atende inan isin rua ne’ebe tu’ur ahi(Partus).

Iha tempu invazaun Maternidade ne’e, kontinua la’o normal to’o tinan 1987. Hafoin ida ne’e, paradu to’o mai tinan 1999.

Depois tempu  Restaurasaun – Era Ukun Aan

 Governu da sia, liuhusi PAM Baukau servisu hamutuk ho parte relevante sira, konsege rekonstrui fali maternidade ne’e, ba atende necesidade partus iha fatin refere maske iha Baukau iha ona hospital HOREX ne’ebe lokaliza iha Vila – Nova Baukau ho fasilidade ne’ebe kompletu hodi haree ba necesidade inan isin rua sira nian desde ante natal no partus.

“Maternidade ne’e, hodi atende inan – isin rua sira hodi partus liu -liu husi suku ne’ebe besik iha Baukau Vila ne’e, hanesan suku Bahu rasik, Trilolo no Suku Caibada Wai Ma’a”. Hato’o husi fonte Konfirmadu balu liuhusi dada lia badak iha Baukau vila, loron 28 fulan Setembru 2026.

Observasaun media ne’e nian ba maternidade ne’e, maske projetu ne’e, hela de’it parte balu seidauk finaliza nune’e seidauk bele atende ba inan isin rua sira ba necesidade partus.