Ministeriu Ensinu Superior Siensia no Kultura Timor – Leste, liuhusi Dr. Jose Honorio da C. P. Jeronimo rekonese desde ezitensia Instituto Superior Cristal-ISC, iha tinan 2001 to’o ona agora(tinan akademiku 2024),hatudu Perfomazen di’ak tebes tanba alende produs rekursu Timoroan nian, la kria mos konfuzaun iha publiku.
Tanba ne’e, Ministru Jose Honorio, promete iha tinan ida ne’e, Governu kontinua fasilita apoiu ba Nivel ensinu superior sira iha Timor, maibe aposta ba area tolu nu’udar prioridade mak hanesan formasaun ba dosente, apoiu ba estudantes no hadia mos abilidade –konesimentu ba lingua sira liuhusi formasaun adekuada- Kontinua.
“Ita tinan 2024, Governu fasilita ona Ensinu Superior sira iha area lubuk ida tuir idak – idak nia dezafiu. Ba tinan oin – 2025, sei aposta ba prioridade tolu ligadu ho formasaun ba dosente sira, apoiu ba estudante sira inklui formasaun ba dalen ninian,” kestaun ne’e, hato’o husi Ministru liuhusi nia palestra iha CCD, bainhira partisipasa iha serimonia graduasaun Instituto Superior Cristal-ISC tinan akademiku 2024, hamutuk ho finalista kuaze atus sia ualu nulu resin rua- 982, kompostu husi Fakuldade rua, Siensia Edukasaun no Siensia Saude.
Ligadu ba politika Governu nian iha area formasaun, husi parte Kampus Cristal, liuhusi Reitor ISC- Dr. Sebastiao Pereira, koalia liuhusi diskursu temi katak, hodi eleva kualidade edukasaun ka hadia formasaun iha nivel ensinu Superior nian ba tinan ida ne’e, asuntu formasaun ba lingua nasional Tetum – Portuges, no lian internasional hanesan priodade hodi hadia abilidade dosente no estudante iha area lian nian.
Enkuantu Presidente Ezekutivu Fundasaun Cristal, Dr. Agostinho dos Santos Goncalves, mos dehan lakleur tan Timor – Leste, sei tama ba organizasaun regional ASEAN, nunee, priodade ba estudante sira iha ISC to’o Cristal munisipiu ba eskola nivel ensinu sekundariu sei tau liu priodade ba kestaun formasaun lingua ninian.
“Timor -Leste, sei sai membru Asean ba dala sanulu resin ida. Atu prepara joven sira hanesan preparasaun ida instituisaun Edukativa sira tenki forma rekursu umanu ne’ebe preparadu, prontu kompete, preparadu iha abilidade, kompetensia, konesimentu lingua, nune’e bele servisu iha kualker Area mesmu rai laran – rai liur. Tanba ne’e, importante ba eskola Cristal-ISC iha tinan letivu – akademiku 2025,” diskursu Prezidente Ezekutivu FC.
Obervasaun media ne’e nian, relasiona ho serimonia gradusaun ISC, iha tinan akademiku 2024, durante hala’o palestra ko’alia ba dosente, bainaka – Inan, Aman sira, Reitor ISC, Dr. Sebastiao Pereira, hamutuk ho Prezidente Ezekutivu Fundasaun Cristal, Dr. Agostinho dos Santos Goncalves, hato’o diskursu iha lian Portuges, ho sentidu nu’udar lian ofisial Timoroan nian, mak lingua rua, refere.###
Discussion about this post