Dili – 6/03, Dekana Fakuldade Siensia Saude – Instituto Superior Cristal – ISC, Faviola Martins Soares, klarifika katak, oras ne’e dadaun Rekursu umanu no Rekursu dosente inklui fasilidade iha kampus Cristal, preparadu ho di’ak hodi akompana Estudante sira iha prosesu Ensinu nian, espesialmente iha Fakuldade Siensia Saude tanba ne’e, eziste ona departamentu tolu, Mak hanesan departamentu Parteira, Enfermagen no Fisioterapia.
“2010, Fakuldade Siensia Saude – ISC, eziste iha kampus ne’e, hasoru difikuldade lubuk Ida. Maibe oras ne’e ko’alia konaba Rekursu dosente – Rekursu Humanu, inklui fasilidade iha Kampus Cristal, ita preparadu ona laiha problema Kona – ba prosesu ensinu. Alende ne’e Fakuldade Siensia Saude – ISC, hetan mos akreditasaun husi Ministeriu Ensinu Superior Siensia no Kultural. Tanba ne’e, alin Estudante foun sira tinan akademiku 2025, Mai aprende ho didiak, nune’e bele iha konesimentu adekuadu atrabes Siensia no pratika, nu’udar kriteria ne’ebe loloos,” informasaun ne’e, hato’o husi dekana bainhira sai orador hodi partisipa iha Serimonia orientasaun estudante Fakuldade Siensia Saude – ISC tinan Akademiku 2025, ne’ebe hala’o iha kampus Cristal – Balide, loron Kinta(06/03).
Enkuantu tuir informasaun ne’ebe media ne’e hetan total estudante Fakuldade Siensia Saude, ne’ebe Mak hala’o orientasaun ba tinan akademiku 2025, kuaze atus neen – Sanulu resin tolu, 613.
Numeru ne’e, kompostu husi departamentu tolu, Mak hanesan departamentu Parteira ho total estudante kuaze 295, departamentu Enfermagen kuaze 296, no departamentu fisioterapia hamutuk 22, nu’udar departementu foun iha tinan 2025.
Antes ne’e, relasiona ho dezenvolvimentu kampus Sira nian iha Timor-Leste, parte Ida hahu iha tinan OJE 2024, Governu Aloka millaun 5, liuhusi Ministeriu Ensinu Superior Siensia no Kultural, benefisia ona universidade Sanulu resin – 17, ne’ebe hetan ona akreditasaun. Alokasaun fundu ne’e, bazeia ba proposal husi kada universidade.
Enkuantu objetivu Governu nian hakarak servisu hamutuk ho instituisaun Ensinu Superior Sira iha Rai laran, hodi haree liuba formasaun dosentes, hadia fasilidade kampus, i hala’o mos akreditasaun programatika no akreditasaun Institusional husi parte Ajensia Nasional Avaliasaun Akreditasaun no Akademika – ANAAA, Timor-Leste, ne’ebe Servisu hamutuk ho Peritu internasional Sira, bazeia ba kada kursu tuir Fakuldade Ida – idak nian.
Discussion about this post