Udan La To’o Oras : Bee Nakonu Iha Cidade Dili

Relasiona ho udan bot ne’ebe akontese iha loron Sabadu – loraik(22/02)ho velosidade Forte ituan, iha durasaun minutu 30 deit, drainazen balu iha Dili laran, labele akumula bee ho diak, nune’e, bee to’o ba pasear iha esrada laran i sai nalihun hodi Suli arbiru ba – Mai hanesan lagoa ki’ik.

Observasaun Media ne’e nian, bee Nakonu Iha estrada laran hanesan akontese iha parte edifisiu Presidente da Republika Aitarak laran Dili, Parte estrada tasi ibun Praia dos Coceiros hahu kedas husi Ministeriu dos Negosiasi e Estranjeiros, to’o ba parte tasi ibun Loja SEARA, besik eis edifisiu Embaixada Malasia.

Alende ne’e fatin seluk mos situasaun hanesan bee kontinua badiu iha estrada laran maske Governu hadia ona baleta.

Fo hanoin fali katak, deputadu balu iha Parlamentu Nasional, liuhusi media sosial dehan, ho Prezensa SEATOU, ne’ebe Suporta servisu Obras Publikas iha Dili laran laiha ona inundasaun maibe realidade lahanesan ho Saida Mak ko’alia tanba fatin barak bee kontinua Suli la tuir Nia dalan, razaun ida iha foer ne’ebe taka metin bee dalan.

Komentariu publiku nian dehan, politiku Sira ko’alia haluha Aan, hodi kontra natureza maibe lahatene Forsa natureza laiha Ema Ida Mak bele kontra.

“Dili laran ne’e, O bele gusur hotu, maibe bee kontinua mai. Ita haluha Tia Forsa natureza hodi hatudu Ita Mak hatene buat hotu no ignora mos Ema seluk Nia hakarak”. Preokupasaun no idea husi populasaun kiik balu nu’udar reflesaun.

Enkuantu relasiona ho udan bot iha loron 22/02, laiha Ulun bot ruma ka parte kompetente ruma hodi tun direta hodi observa konaba situasaun bee Nakonu Iha estrada publiku.

Antes ne’e, peritu balu dehan sidade Dili, Fatin Ida ba bee tanba iha Rai klean no tetuk Ita bele halo drainase ho modelu saida deit udan bot bee sempre sobu no espalla ba kualker fatin sa Tan mosu temporal.

Maske nune’e iha mos apresiasaun ba servisu SEATOU no Obras Publiku tanba Fatin balu laiha ona bee nalihun iha estrada laran ka sobu komunidade nia Uma, ho razaun bee komesa Suli tuir Nia dalan laiha impedimentu hodi tuun ba Tasi.