30/07. – Pesoal Saúde balu husi servisu Saúde Munisipíu Liquisa, parte farmasista nian dehan, problema ida hasoru durante ne’e mak falta stok aimoruk, nune’e dala ruma ema ne’ebe baixa iha fatin internamentu hasoru problema aimoruk.
“Problema ida mak menus aimoruk, dala ruma husi Nasional to’o tarde maske pedidu ba diresaun nasional Saúde nian antes. Problema seluk haree ba kualidade aimoruk hanesan Parsetamol – Amoxelin ladun diak tanba fasil rahun lalais. Lahatene aimoruk ne’e, sosa iha ne’ebe, nia kompozisaun zat nian ladun diak, afeta ba saúde públiku tamba Ita bele hemu maibé reasaun laiha ba moras”, informa husi fonte Mane ida ba Media ne’e iha Liquisa, ho espresaun preokupa.
Enkuantu hatan pergunta ida kona – ba númeru pessoal saúde iha prosesu atendimentu iha hospital Liquisa, pessoal saúde refere dehan, ida ne’e laiha problema tamba alende iha parte estajiarius, númeru pesoal saúde Sira mós suficiente.
Discussion about this post