21 – 08. Ministériu Saude liuhusi Vice Ministru, Flávio Brandão, Apresia ho kursu foun Fisioterapia ne’ebe estabelese iha kampus Instituto Superior Cristal(ISC),tanba parte integradu importante liga ba kestaun Saude humana nian.
Governante ne’e mós, lori Governu nia naran, hatoo parabéns ba Instituto Superior Cristal, hodi konsege estabelese ona kursu ne’e, iha Timor-Leste tanba Universidade seluk seidauk eziste.
“Nu’udar ema Saúde haree katak, espesialidade ba Fisioterapia importante iha setor saúde, espesialmente iha Timor-Leste. Parabéns ba ISC, espera kursu ne’e, ba oin bele sei la’o ho di’ak liu tan hodi forma estudante Timoroan sira sai ema professional,” apresiasaun ne’e, hato’o husi Vice Ministru bainhira partisipa iha semináriu internasional ne’ebé organiza husi Instituto Superior Cristal, ho tema “O Paradigma da Fisioterapia O Ser Humano Como Um Ser – Bio- Psico- Social- Cultural”
Fatin hanesan relasiona ho semináriu internasional ne’e, Presidente Ezekutivu FC, Prof(HC)Dr. Agostinho dos Santos Gonçalves, dehan iha tempu besik sei organiza mós dosente, estudante husi Fakuldade Saúde ISC, hamutuk ho Universidade rua, Universitas Esa Unggul – Universitas Kristen Indonesia, hodi tu’un ba base, nune’e, fahe informasun hamutuk ho Komunidade liga ba asuntu Fisioterapia nian.
“Asuntu Fisioterapia importante iha sociedade Nia let, maibe iha base komunidade sira kontinua menus informasun Kona-ba importansia husi Fisioterapia rasik. Tanba ne’e mosu moras oin- oin halo ema wain ba wain Mak sofre no balun mós lakon vida. Hodi bele minimiza moras naun kontajioza iha Timor-Leste (Strok, tensaun ass, no seluk tan) ami sei tu’un ba base hodi halo sosializasaun hamutuk ho komunidade nune’e Ita bele noris saudavel no kontenti nafatin maske hasoru problema sosial sira”. Hato’o husi Presidente Ezekutivu FC, ba media nasional liuhusi entrevista iha Balide – Díli, loron -Kinta(21/08).
Enkuantu orador prinsipal iha semináriu ne’e, Dr. Wahyudin(Ema dahuluk iha Indonesia ba Kursu – S3, Iha área Fisioterapia) husi Universitas Esa Unggul – Indonesia hatete, asuntu fisioterapia seidauk dezenvolve ho di’ak iha nivel Asia, Indonesia no mós Timor – Leste.
Nia dehan ho semináriu refere informasaun sira hotu nu’udar matéria importante ba partesipante hotu, liu – iiu hasae konesimentu estudante sira nian ho esperansa katak iha futuru kursu fisioterapia sei dezenvolve di’ak liutan iha Timor – Leste.
Observasaun média ne’e nian antes hala’o serimonia internasional refere, parte Instituto Superior Cristal liuhusi dekana Fakuldade Saúde – ISC hamutuk ho Universidade rua, asina mós akordu kooperasaun ba Asuntu formasaun dosente no bolseiru nian.
Discussion about this post