Istória no Prosesu Harii: Kapela São João Baptista Haurobo – Baukau

Kapela São João Baptista Haurobo, lokaliza iha aldeia Haurobo, suku Caibada I, postu administrativu Baukau vila, munisípiu Baukau.  

Koordenador ba asuntu servisu harii igreja São Baptista Haurobo, Miguel Lucio da Costa haktuir, kapela Haurobo bainhira halo lansamentu ba primeira pedra, nato’o ne’ebá, realiza husi parde párokia Diocese Baukau, amu Justiano da Silva SDB.

Hafoin ida ne’e, iha liu tiha tinan balu tanba konstrusaun paradu ituan, ho problema finanseira, entaun iha tinan 2019, mosu fali inisiativa ida forte no aseitavel mai husi Grupu Nau – Oli nian, liuhosi dirijente masima Nau – Oli nia (Hewai), koordena hamutuk ho sarani sira, inklui parte igreja, nune’e, kapela ne’e harii, ho koordansia “Hewai” hodi tau naran kapela São João Baptista, hanesan santu ida ne’ebé, mak sarani Jesus ho bee santu iha mota Jordaun.

“Klaru harii kapela ne’e, liuhosi prosesu ida. Igreja no parte diocese mós iha koñesimentu.  To’o kapela ne’e prontu, inisiativa maka’as mai husi grupu Nau – Oli. Grupu ne’e, inklui   nia membru sira hotu, apoiu masimu tebes. Tanba, parte finansial, material no maun de obra, husi grupu ne’e, hamutuk ho parte sira seluk tan.” Hato’o husi Miguel ba media ne’e, iha kapela São Baptista Haurobo, loron domingu (07/02).   

Miguel esplika, alende hetan suporta masima husi Grupu Nau – Oli, iha mós apoiu balu husi parte Igreja ka diocese Baukau nian, hamutuk ho veteranu, autoridade lokal, no sarani sira iha aldeia hotu (Wani – Uma, Anara Waru, ne’ebé  iha suku Caibada, espesialmente iha aldeia Haurobo.

“Sim, material ba harii kapela ida ne’e, maior parte husi grupu Nau – Oli, mak apoiu. Ba ida ne’e ami agradese tebes. Alende ne’e, apoiu seluk mai husi parte igreja Diocese nian, no forsa traballu husi membru grupu Nau – Oli rasik, hamutuk ho sarani sira iha Haurobo.” Miguel esplika.

Entretantu, ho ezistensia kapela São João Baptista iha aldeia Haurobo, tuir Miguel, ida ne’e tulun tebes sarani sira, liu –liu bele fasilita labarik sira hetan sakramentu baptismu, sakramentu kaben, no sakrementu ba ema ne’ebé mate.

“Kapela ida ne’e nia ezistensia, ajuda tebes sarani sira, hodi labele la’o do’ok ba misa fali iha kapela seluk ho distansia kuaze kilometru hat resin. Bainhira inaugural ona, labarik sira bele sarani iha ne’e. Se mak hakarak kaben laiha problema.  Iha mate ruma karik, misa de’it iha ne’e, antes ba hakoi.”

Entretantu, temi konaba material kontrusaun saida de’it Nau – Oli oferese, Miguel haktuir tinta, simentu, besik, rai henek, material foru uma nian, inklui kramik, ida ne’e husi grupu Nau – Oli mak responsabiliza.

“Kapela ida ne’e, sai di’ak tanba iha apoiu lubuk ida. Konaba maun de obra ba kapela ne’e, sarani sira duni. Maibé apoiu material hotu – hotu ho kontia boot, mai husi grupu Nau – Oli mak toma konta.”

Husi parte seluk, Miguel fó informasaun ida katak, iha aldeia Haurobo konaba asesu eletrisidade no bee mós bele dehan laiha problema. Enkuantu, fasilidade Saude, ka postu Saúde ruma(edifisiu) mak laiha hodi halo kurativu ba komunidade sira, bainhira presiza asistensia saúde/ médiku.

Alende ne’e, estrada liga ba suku Caibada no suku Trilolo – Caisido, grave tebes tanba kareta liuhosi ne’eba, hanesan ema sira ne’ebé dansa kizomba, tanba nia kondisaun ladi’ak hodi difikulta movimentu transporte públiku no privadu. Ho problema ne’e, problema  ida ba komunidade labele lori produtu lokal sira ba merkadu Munípiu Baukau ou nasional.   

Tanba Sa kapela São João Baptista Harii iha aldeia Haurobo

Fatin hanesan iha(Haurobo), hanoin ida husi dirijente masima Grupu Nau – Oli, Domingos de Sa- Hewai, esplika, inisiativa grupu Nau – Oli ho nia membru sira, hamutuk ho sarani tomak iha aldeia Haurobo, primeiru hakarak harii kapela São João Baptista, ida ne’e legu(sarani)ou sidadaun sira hakarak  juda parte igreja liu –liu diocese Baukau, hodi bele tau matan di’ak liutan ba sarani sira hotu.

Dirijente ne’e esplika tan, tanba durante ne’e, iha aldeia Haurobo – Caibada, laiha kapela ruma hodi fasilita  reja misa,  iha sira nia aldeia maka sira no ami diside hodi harii kapelaida ne’e, ho naran São João Bosco ba sarani Haurobo.

“Sim, ita harii kapela ne’e, laiha ba sarani sira. Maibé ida ne’e, hanesan sinal ajuda husi sarani, ba Igreja ikus mai, nia benefisiu ba duni fiar nain sira la’ós ema seluk. Grupu Nau – Oli nia apoiu sira, hodi hari’I kapela ne’e, só fasilita de’it iha prosesu konstrusaun,” hato’o husi Hewai.

Hatan konaba fonte suporta material no finanseira hodi harii kapela refere maibé husi ne’ebé, Hewai dehan, ida ne’e kbiit husi grupu nian, no la’ós hetan apoiu husi parte ruma. “Ita nia apoiu finanseiru ne’ebé Grupu fó, mai husi grupu Nau – Oli nian kosar been rasik. Apoiu ba harii kapela ne’e, benefisiu ba duni sarani iha aldeia Haurobo.” temi Hewai hodi hakotu. *****(Hélio)