Natureza Sai Siak iha Tinan 2022 – 2023

Prediksaun balu tuir matan ispritual nian dehan, natureza iha Ilha Lafaek ne’e, sai siak, iha tasi, mota no parte seluk tan espesialmente iha tinan 2022 – 2023, tanba ne’e, sinal sira komesa hatudu, nune’e iha  loron 31 fulan Desembru 2021, bis ida baku fila iha Vemase – Baukau.

Alende ne’e, iha loron 1 fulan Janeiru 2022, ema na’in lima kanek tanba hetan tiru, hodi kilat manu iha munisipiu Liquiça. Tama iha loron 2 fulan Janeiru, ema na’in lima husi Kelikai – Mout iha tasi parte Binagua- Baukau.  Alende ne’e, iha mós informasaun balu iha Dili, inan feto ida, hakotu nia vida liuhosi tara aan, iha Tasi – Tolu, ne’ebé akontee iha loron 1 fulan Janeiru 2022.

“Ita halo laloos, natureza mak hirus. Ne’ebé moris di’ak, kontinua moris di’ak. Sira be’e bosu ona kontinua han sai bosu liu tan, maibe kuidadu.Sa tan besik eleisaun Presidensial no Parlamentar, ida – idak bo’ok no hatudu nia forsa natural, hodi hamulak ba lulik sira,” konfesa husi lia na’in balu husi diresaun sentral.

Nia hatutan, ita haree de’it ukun aan ona, lider sira gosta sukit malu. Promesa barak – barak mak ukun na’in sira hato’o, maibé la kumpre ida ne’e, fiar ou la’e tuir lisan Timor, ita promete ona,  tenke kumpre se la’e mak ita sei hasoru.  

“Ita iha matenek barak kompara ho tinan 1975, maibé buat hotu la’o laloos. Ita sempre selok malu. Hatu’un – hasa’e. Maibé kuidadu ema seluk agora ne’e aproveita hela ita nia riku soin sira.”

Timoroan ne’e rekonese, loloos Timoroan hotu tenke hamutuk hodi lori Nasaun no povu ba Moris di’ak. Maibé kontrariu, ukun aan tia, ema seluk aproveita, sai moris di’ak.

“Ema husi Nasaun seluk mai iha ne’e organizadu. Ida ne’ebé lori millaun ne’e ketak, ida ne’ebé lori tokon ne’e ketak, até to’os kedas ida be’e lori centavus ne’e mos ketak. Ida ne’e ita la sente”. Nia hato’o hodi hakotu.

Antes termina lia na’in dehan, agora ne’e ema seluk mai ho misaun oin – oin hodi tenta hafahe Timoroan sira, nune’e fasil ba sira kontinua esplora no susu ita nia bokur, ikus mai povu kontinua ki’ak no mukit, maske iha riku natural oin – oin.*****(TTM)