Relasiona ho Dr. José Ramos Horta, ne’ebé nu’udar Timoroan primeiru simu ona vacina terseira doze iha loron 4 fulan Janeiru 2022, hodi uza fali Booster/Pfizer , hafoin publika iha Media Palácio das Cinzas, halo sidadaun balu komesa preokupa tanba primeira, segunda doze, uza AstraZeneca, terseira doze eis Presidente ne’e, bele uza fali Pfizer.
Sidadaun ida liuhosi midia sosial ho inisial Santo Antonio hato’o preokupasaun ida dehan, “Entaun 10 no 20 doze Atrazaneca, 30 dose ho Prizer la fó impaktu ida” preokupasaun ne’e, hakerek iha media online Palácio das Cinzas segunda (04/01).
Maske nune’e, haree ba disponibilidade husi eis Presidente nian, simu ona vacina terseira doze, hetan apresiasaun husi sidadaun lubuk ida iha rai laran no mós diaspora.
“Parabens avo Horta, saudé, iha ita nia liman Rasik. E ami mós hakarak hakarak simu vacina ba doze terseira nian.”
Iha video ne’ebé públika ona, Dr. José M. Ramos rasik dehan, ba sidadaun ne’eb’e idade 60, simu ona doze rua, ba komunidade hotu tenke vacina terseira doze wainhira hetan autorizasaun husi parte Saúde.
“Liliu sira ne’ebe idade 60 ba leten simu tiha ona doze rua, ba komunidade hotu wainhira Ministériu saúde ou autoridade sira hatete, atu halo vacina simu de’it ba, tamba pandemia ne’e seidauk deklara remata iha mundu” DR. Jóse Ramos Horta.
Entretantu iha públiku nia let oras ne’e, komesa iha ona opiniaun balu dehan, se Governu implementa duni vacina terseira doze, dalan primeiru tenke halo uluk sosializasaun ida di’ak, liu –liu iha base ne’eba, tanba sira ladun asesu informasaun ho di’ak liga ho dezenvolvimentu saúde nian espesialmente ho pandemia ne’ebé, mai ho variante oin – oin.
Hakarak mós fo hanoin fali ba públiku katak, iha Israel foin lalais autoridade Saúde nian iha fatin refere, identifika tan Covid –19, ho nia variante foun ho naran “Flurona” ne’ebé konsege afeta mós sidadaun balu. *** (TTM)
Discussion about this post