Diretor Escola Ensinu Sekundáriu Privadu Cristal, Dr. Rafael Sávio, husu Inan – aman, iha uma Kontrola estudante Uza telefone tuir oras tanba dala wain estudante balu matan dukur iha sala laran durante hala’o prosesu aprendizajen.
“Eskola sempre iha koordensaun ho inan – aman i husu Kontrola oan sira, liu – liu estudante nivel ensinu Sekundáriu nian tanba estudante balu dukur iha sala laran. Ita tenki respeita oras deskansa nian, labele uza telefone ho oras barak hodi halimar Facebook, WhatsApp to’o dadeer, depois mai eskola mak dukur,” kestaun ne’e, hato’o husi diretor ba media ne’e, liuhusi entrevista badak iha nia kna’ar fatin Balide – Dili, Kinta(14/08).
Dirijente ne’e mós sujere ba estudante – Joven Sira, feto no Mane, bainhira Uza media sosial ba kestaun ne’ebe positivu. Labele trata malu ou lansa linguagem neebe lá edukativu.
Fo hanoin fali katak, iha tinan 2019, estudante hotu iha Mundu inklui Timor – Leste, durante pandemia COVID-19, uza via online iha prosesu aprendizagem.
Tanba ne’e, eskola sira iha Timor – Leste, mos uza aplikasaun WhatsApp no seluk tan ligasaun ho prosesu Ensinu. Eskola barak uza via online susesu, eskola balu mós hasoru dezafiu tanba estudante sira laiha Smartphone ka Telefone Android.
Discussion about this post