Timoroan lubuk ida hanesan Armanda Berta dos Santos, husi Partidu KHUNTO, no Mariano Assanami Sabino, husi Partidu Demokrátiku (PD), inklui sira seluk tan, maske ofialmente seidauk rejista iha Komisaun Nasional ba eleisaun (CNE), maibé deklara aan ona ba públiku katak, sei kompete mós, iha eleisaun Presidensial tinan 2022, nune’e, se mak manan karik hetan fiar husi povu, ba akupa kargu nu’udar Presidente da Repúblika (PR), iha periodu tinan liman mai, (2022 – 2027).
Relasiona ho asuntu ne’e, mosu informasaun iha públiku nia tilun katak, posibilidade Lere Anan Timur, Milena Pires, José Ramos Horta, Isabel Ferreira(Espoza Taur Matan Ruak), kompete mós iha eleisaun Presidensial 2022 mai, tanba ida – idak iha nia apoiante no simpatizantes, inklui mai ho misaun no vizaun ne’ebé klaru, bazeia knar hanesan xefe Estadu ninian.
Entretantu iha Media social no Midia professional sira, fo sai ona informasaun balu katak, husi kandidatu sira ne’ebé sei ba kompete iha eleisaun Presidensial 2022, alende kandidatu balu mai husi Partidu, seluk mós husi Independente.
Iha Partidu balu nia pozisaun deklara ona katak, sira nia kandidatu ba kompete iha eleisaun Presidensial tinan 2022, la’ós kestaun atu buka manan, ou lakon, maibé hakarak hatene forsa partidu nian to’o iha ne’ebé ona, ligasaun ho numéru votante, nune’e iha eleisaun mai, partidu rasik uza sai hanesan referensia, nune’e bele iha garantia ida ba ukun iha Parlamentu(liu bareira) no Governu(Orgaun ezekutivu).
Enkuantu espetativa husi Kandidatu Independente balu dehan katak, haree ba esperensia ne’ebé akontese iha rai barak, kuandu Presidente ida, mai husi Partidu A ou B, nia sei lori interese partidu nian, dumina iha nia kargu, durante nia mandatu.
“Ami ba nu’udar independente, tanba sei lalori interese partidu nian, ida ne’e mak diferensa. Se ami manan mak buka tau ass liu interese komum, hodi hala’o funsaun ho loloos hanesan xefe Estadu. Tanba durante ne’e, esperensia husi Nasaun ne’ebé uza sistema semi Presidensial, Xefe Estadu balu, la’ós maioria liu –liu iha nasaun postu konflitu sira, bele sai fali opozisaun ba Governu, no Parlamentu. Se ida ne’e akontese, vida Nasaun no povu nian problema bot”. Lian kandidatu Independente dehan ba Media ne’e iha Dili, fulan Dezembru 2021.
Espetativa husi parte akademiku nian esplika katak, iha Nasaun ne’e Demokrasia, sidadaun ida sente katak, nia bele ba kompete iha eleisaun Presidensial, laiha problema, maibé, desizaun iha povu nia liman, inklui tuir matan husi ema Rejistensia nian.
“Ita iha Timor, ita nia sistema hili Presidente liuhosi eleisaun ida ne’ebé sekretu, no livre. Atu lakon ou manan ne’e, klaru depende ba vontade Pupular nian. Maibé mós, uniku ituan tanba iha lider balu (Ema Rejistensia) durante kampana mak hili ona kandidatu A ou B, automatikamente nia bele manan ona, tanba votante popular, sei hili tuir ida ne’ebé eskolidu iha tempu kampana. N’e Uniku iha Timor ba tempu ida agora”.**** (TTM)
Discussion about this post