Hafoin akontese situasaun Ida iha Parlamentu Nasional, deputadu Sira iha Plenaria hakilar malu iha diskusaun nian laran, ikus mai halai hasoru malu hodi dudu malu kuaze tuku malu, nune’e, mosu komentariu oin – oin, iha media sosial dehan “Lolos ne’e, reprezentante Povu nian liuhusi Partidu sira ne’ebe, hetan asentu Parlamentar labele hatudu hahalok bandalismu tanba Parlamentu mos, nu’udar orgaun Seberanu Ida.Alende ne’e, deputadu sira hanesan reprezentante Povu nian tanba hetan fiar, nune’e tenki uza didiak konfiansa, ne’ebe Povu fo, liuhusi eleisaun.
“Konta Iha Parlamentu Nasional, ikus – ikus ne’e, sai tia deit arena boxing nian. Maibe deputadu sira haluha tiha prekupasaun Povu no Nasaun nian, liu – liu, haree hodi diskuti situasaun emerjensia Sira. Ami husu se bele imi tenki hala’o imi knar ho diak. La”os hatudu fali hahalok bandalismu,” prekupasaun ne’e, hato’o husi sidadaun Ida ho naran Carlos ba media ne’e , liuhusi entrevista badak iha Caicoli – Dili, Kuarta, 26/02.
Antes termina Carlos, husu mos ba reprezentante Povu nian, ba oin labele hatudu tan hahalok aat refere, tanba Ida ne’e, hatu’un imajen Timor-Leste nian.
“Se bele hahalok Aat Sira iha Parlamentu, trata malu, hatu’un malu, Konta istoria funu nian, tenki minimiza tanba ema ne’ebe iha Parlamentu Mesak matenek deit. Imi presiza hatudu mos dignidade hanesan Orgaun sebarana hodi Ema seluk bele fo valor”. Hato’o hodi hakotu.
Antes ne’e, video balu, liuhusi komentariu Ida hato’o husi Sidadaun Ida ho naran “Antonio Aiitahan Matak – Veteranu, liuhusi TVE Timor, dehan loloos ne’e, iha Parlamentu Nasional tenki nomeia ema peritu, mak bele reprezenta Povu, la’os ba nar- naran de’it.
“Labele faan hudi tasak, futu manu nian mos ba hotu Parlamentu. O Que Vai Fazer Ali no Parlamento Nacional”
Discussion about this post