Relatoriu parte Saude nian iha Timor-Leste (TL), hatete moras Lahadaet Kontinua Aumenta husi tinan ba tinan tanba relasiona ho hahan importadu no istilu moris ne’ebe ladun saudavel.
Kategoria moras Lahadaet sira ho numeru aumenta iha Timor-Leste mak Kazu stroke, tensaun Aas, raan midar, aljaimer ba Ema ho idozu no kankro – katar iha kulit laharee ba idade.
Dadus seluk indika kazu stroke, tensaun Aat, afeta mos tinan produktivu Sira.
Husi parte seluk faktor prinsipal lori moras Sira ne’e Mai iha Timor – Leste, Mak hahan ne’ebe Mai husi liur.
Komentariu balu husi parte Governu dehan, durante hala’o inspesaun identifika katak, hahan sira hanesan Naan (sosis, ayam potong, naan fahi) ne’ebe Mai husi liur, liur ona prazu, kontamina mos ho kimiku ne’ebe ladun fo nutrisaun di’ak ba Saude hodi fo impaktu ba Saude publika.
Fo hanoin fali katak, moras stroke eziste iha Timor-Leste, hahu husi tinan 2003, to’o ohin loron kuaze hamaten ona populasaun kuaze 50 %, liu – liu refere ba idade avanzada/u.
Enkuantu hodi haree no hala’o atendimentu ba moras Lahadaet sira iha Timor-Leste, Governu mos sosa aimoruk kurativu nune’e, liuhusi hospitais no sentru Saude Sira, fo gratuita ba pasiente Sira no husu hala’o prevensaun antes kura.
“Tenke hakbesik Aan ba sentru Saude Sira hodi kontrola, imi Nia saude ho rutina. Hatoman Aan Moris Ijiene no hala’o ezersisiu ho rutina hodi hadook Aan husi moras Lahadaet”.
Discussion about this post