PLPA – AND Mai ho Plataforma Politika Ne’ebé Klaru

• Loron dahuluk kampaña PLPA – AND,  hala’o iha postu adminstraivu Maubisse – Ainaro, no sei termina kampaña iha RAEOA – Oecusse.

Partidu Liberta Povo Aileba(PLPA), ne’ebé halo koligasaun ho Partidu Alianca Nacional Democrata(AND), liuhusi Presidente Partidu koligasaun Tática Ir. Francisco Gomes, hateten PLPA  no AND iha Misaun – vizaun ne’ebé Klaru /planeadu, tanba ne’e iha mós plataforma politika  ida di’ak, iha área hotu, hakarak tebes halo transformasaun radikal  ne’ebé sustentabilidade.

“PLPA – AND iha  Misaun – vizaun klaru.  Bainhira hetan fiar husi eleitor sira, sei foka maka’as ba área temátikas hanesan Edukasaun, Saúde, Agrikultura, Comérsiu-  Industria, Infaestrutura, administrasaun, Justisa no social, tanba durante ne’e, asuntu sira ne’e ladu’un la’o diak, ligasaun ho sistema ukun, la’o laloos,” lian Presidente PLPA- AND  ba media ne’e, liuhsi entrevista badak  iha Vila – Verde, kuarta(19/04/2023).

Lideransa Partidu númeru Sorteiu 2 ne’e, promete ona, bainhira hetan fiar husi “povu Aileba” mak sei fó enerjia tomak(La’os interese pesoal), hodi haree ba interese ema barak nian, tanba PLPA no AND mai ho Moto “Ema Seluk bele, tanba sa ha’u  labele/ Allu Alliae Posunt, quare non ego”

“Ukun ne’e povu nian, bainhira PLPA – AND ukun, uza ukun la’ós hariku aan, maibé uza oportunidade hodi halo mudansa radikal ba area hotu tanba PLPA no AND, iha moto “Ema seluk bele, tanba sa ha’u labele””.

Tanba ne’e,  lideransa PLPA – AND, liuhusi estrutura Nasional to’o nivel aldeia husu ba eleitor sira hanesan sidadaun nasional iha Timor – Leste no diaspora, labele haluha vota númeru 2, iha loron 21 fulan Maiu 2023.

“Mai hamutuk no PLPA – AND, hodi fó imi nia votus  iha loron  21 fulan Maiu 2023, nune’e bele iha forsa politika ida forsa, hodi haree ba prosesu dezenvolvimentu  País nian liu –liu hakarak povu hotu moris di’ak”. Lian Presidente PLPA- AND hodi hakotu.

Husi parte Seluk media ne’e asesu informasaun katak,

1. Partidu CNRT hala’o kampaña dahuluk iha Munisipíu Manatuto.
2. Partidu  Fretilin hala’o kampaña fase dahuluk  iha Vemasse – Baucau,
3. Partidu Demokratico(PD), iha oras dadeer antes hala’o kampaña vizita uluk jardin dos Herois Metinaro, nune’e iha tempu loraik(04:00) halo zone meetin ho dirijente munisipíu ninian, aumesmu tempu halo abertura ba kampanña tuir orario ne’ebé  iha
4. Partidu PLPA- AND kampana dahuluk iha Maubisse, Turicai, Aileu no ikus liu iha Oecusse.
5. Partidu UDT, iha Aileu
6. Partidu PUDD aberuta kampana iha Oecusse.*****(TTM)