Analista Politika husi Intituto Superior Cristal, Ricardo Pereira, S.E, M. Ed, dehan, padre Martinho Gusmão, hato’o nia pedidu ba Nai Bispo diocese Baukau, Don Basilio do Nascimento iha loron 25 Janeiru 2020, hodi sai husi nia funsaun temporaria iha loron 30 Agostu 2021, ikus mai mosu ho hanoin ida, hakarak kandidatu ba Presidente da Repúblika 2022 – 2027, tanba hetan suporta masima husi lider politik balun.
Nia hatete, bainhira laiha apoiu ruma ne’ebé forte husi kualker parte, konserteza nu’udar bibi atan, sei lahusik hela nia knar proprio.
“Nu’udar ema akademista nia haree, konserteza padre Martinho Gusmão, parte politiku balu mak suporta nian, ezemplu Maun bot Kay Rala Xanana Gusmão inklui seluk tan. Ho ida ne’e, ita bele dehan Sr. Martinho iha vontade ida di’ak bele kompete mós, iha eleisaun Presidensial 2022. Se laiha suporta, parese buat ne’e labele akontese hanesan ne’e,” asuntu ne’e Ricardo hato’o ba Jornalista Time Timor iha Balide – Dili, tersa (7/9).
Tuir nia esplikasaun ida, atu se de’it mak sai ba Presidente da Repúblika ba periodu tuir mai, desizaun la’os iha ema ida nia liman, maibé povu mak sei deside, liuhosi votasaun, tanba ita nu’udar Nasaun demokratika.
“Nasaun demokratika sidadaun ida, atu sai Presidente da Repúblika, tenke liuhosi votasaun. Karik Maioria mak apoiu ba Sr. Martinho, iha eleisaun mai, ita tenke simu rezultadu. Maibé karik la’ós apoiu nia, ita tenke respeita ba desizaun popular nian.” Hato’o husi analista ne’e.
Midia ne’e, hakarak hato’o mós katak, bazeia ba eplikasaun balu husi Presidente CNE, Jose Antonio da Costa Belo Pereira, atravez iha GMN iha programa dadeer iha loron 6 Setembru 2021 temi katak, to’o oras ne’e, Comisaun Nasional Eleisaun(CNE), seidauk rejista kandidatu ruma ba Presidente iha periodu tuir mai, tanba Presidente da Repúblik atual, seidauk dekreta loron eleisaun ninian. ***(Time)
Discussion about this post