Dili – 27/10. Instituto Superior Cristal – ISC, liuhusi Fakuldade Siensia Saúde, realiza Semináriu Internasional ho tema “Developing Clinical Teaching Expertise: Enhacing Faculty Skills In Supervising and Assesing Student In the Clinical Setting”
Orador internasional Sira iha semináriu ne’e aprezenta matéria no tematiku sira, foka makas liu ba Serbisu pratika klinika, supervizaun, benefisiu no dezafiu sira ba solusaun, nune’e prepara estudante Timoroan, sai rekursu profesional – potensial, hodi bele hala’o atendimentu públiku ida di’ak liu, liga ba atendimentu iha Setor saúde.
Atividade importante ne’e, realiza iha Salão São José Katedral – Díli, envolve estudante universitáriu sira husi Universidade hitu, mak hanesan estudante husi ISC rasik, UCT, UNDIL, UNTL, Unital, UNPAZ, no ICS.
Iha aprezentasaun matéria hamutuk ho Universidade Islâmiku Malázia Dr. Norfadziha Ahmad, MSc, Ko’alia Kona-ba Modern/best – practice Aprroaches to Clinical Supervision”
Dr. Esti Kutasari S.Kp, M.Kes, orador ida husi Universidade Airlangga – Indonesia, hamutuk ho orador nasiona rua, Dr. Mateus Pinheiro no Dr. Lidia Gomes, S.K.M, reprezenta husi Universidade Nasional Timor Lorosa’e – UNTL, hala’o mós aprezentasaun sesaun loraik nian Ko’alia mós kona-ba estratéjia importante iha Pratika klinika ninian liga ba kestaun Kompetensia, jestaun, Problema kontekstu global no komparasaun ho Situasaun iha Timor-Leste iha sistema saude, nu’udar realidade nune’e aumenta partesipante nia konesimentu.
Entretantu hala’o abertura ba semináriu ne’e, hamutuk ho parte Ministru Ensinu Superior Siensia no Kultura RDTL, liuhusi nia reprezentante Dr. Domingos Barros, hamutuk ho Prezidente Ezekutivu FC, Prof.(H.C)Dr. Agostinho dos Santos Gonçalves, no Reitor Instituto Superior Cristal Prof (H.C), Dr Sebastião Pereira.
Tanba ne’e, Diretor Nasional inspetor nian iha Ministériu Ensinu Superior Siensia no Kultura RDTL, Dr. Domingos Barros, hato’o nia apresiasaun ba kampus Instituto Superior Cristal – ISC, tanba bele organiza no realiza Semináriu Internasional ne’e, hamutuk mós ho estudante husi universidade neen, hodi prepara di’ak liu tan rekursu ba futuru espesialmente iha área saúde nian.
“Parabéns ba ISC, tanba atu organiza semináriu internasional hanesan ne’e, lafasil maibé ISC bele. Ho Informasaun husi orador hotu, bele hadia di’ak liu kualidade Ensinu Superior iha rai laran espesialmente iha área saúde nian,” espetativa husi Dr. Domingos Barros, representante Ministru Ensinu superior Siensia no Kultura RDTL, Dr. José Honório da Silva Pereira Jerónimo.
Discussion about this post