Timoroan sira hotu ne’ebé, mai husi Frenti Klandestina, Frente Armada, no Frente diplomata rekonese katak, eventu konsulta popular akontese iha loron 30 fulan Agostu tinan 1999, nu’udar Vitoria ba povu Maubere tanba loron ne’e, povu duni mak vota hodi determina sai Nasaun Soberana – Independente, maske moris iha ameasa no tauk nia laran balun mós mate.
Votus Parabens husi IEC – FC ba loron konsulta Popular. 30 de Agustu 2024
Pe. Francisco dos Santos F. Verdial, nu’udar membru dirijente ida husi Klibur Instituisaun Ensinu Superior Privadu Timor – Leste(KIESPTL)dehan, laiha eventu konsulta popular(30/08/1999), laiha mós ukun aan, ka restaurasaun 20 Maiu 2002.
“Primeiru respeita ba ita nia fundador Nasaun nian. Maibé atu dehan de’it idealismu ba ukun aan, mai husi parte hotu tanba ne’e, iha frente tolu parte Klandestina, Armada no Diplomata. Ida seluk mós konta ho maluk Timoroan sira ne’ebé, iha diferensa politika,” kestaun ne’e hato’o husi Pe. Francisco iha Salaun CNE, Caicoli – Dili, okaziaun partisipa seminariu Nasional ho tema “A Construção dos Valores Reais da Independencia de Timor – Leste Para Uma Verdadeira Unidade Nacional” ne’ebé organiza husi KIESPTL, iha loron, Kinta (29/08).
Hanesan sidadaun reprezenta Ingreja, husu ba Timoroan hotu hahú husi lider no fundador nasaun – futuru Nasaun, presiza kria unidade labele lori organizasaun politika hodi fahe povu Maubere nia unidade.
“Unidade – Asaun no Progresu. Ita labele lori organizasaun politika, social sira hodi fahe Timoroan. Laiha unidade sei la kontribui ba prosesu konstrusaun Estadu”. Hato’o husi amu Francisco hodi hakotu.
Sylvia – Dili fo votus parabens iha eventu loron konsulta Popular 30/08/2024
Sasin moris ba Masakre sira iha Timor – Leste, Lucas Colibere dehan antes no depois realiza eventu konsulta popular(30/08/1999), ema barak lakon feen, Laen, oan, i familia sira. Barak mate lahetan sira nia ruin hanesan Nai Prezidente Saudozu Nicolau dos Reis Lobato, inklui sira seluk tan.
“Ita konsege hetan ona livertasaun Pátria. Agora tempu ba ita kria unidade, paz no estabilidade nasional hodi organiza mos povu ba moris di’ak iha aspeitu ekonomia, tanba povu barak sei moris iha kondisaun mukit nia laran”. Kolibere hato’o hodi hakotu.
Discussion about this post