Instituisaun Edukativa Cristal – Fundasaun Cristal, Segunda(12/10)semana ne’e, liuhusi Pe. Casimiro Morais, hamutuk ho parte hotu iha Cristal(Fundadores, Edukadores, estudante sira), realiza misa asaun grasa ida, hodi hanoin hikas fali, vizita Santu Padre São João Paulo II, mai iha Timor, iha tinan 37 ba kotuk(12/10/1989 – 12/10/2026).
Ligasaun ho selebrasaun Eukaristia ne’e, Pe. Casimiro Morais, liuhusi Omilia Santu esplika, vizita Santu Padre nian iha Tasi – tolu, husi parte fiar nian, husik hela ona lia fuan ne’ebe importante tebes ba sarani hotu tenki hanoin, no hodi banati nafatin, iha ida – idak nia moris “Imi mak sai Masin no Naroman Mundu nian”.
“Sentidu husi, sai Masin no Naroman Mundu nian, importante ba sarani sira, ida- idak tenki buka hodi hala’o iha moris. Maromak haruka Santu Padre mai Timor, hanesan grasa ida, nia sai modelu ba paz, dame, no Domin iha Mundu no Timor – Leste,” esplika husi Pe. Casimiro iha Salaun Futsal – Cristal, Balide – Dili, Segunda(12/10).
Amu selebrante ne’e husu mós ba Instituisasun Edukativa Cristal – Fundasaun Cristal, nafatin hala’o legadu Santu padre nian, no tau matan di’ak liutan ba setor edukasaun iha Timor – Leste, hodi promove kualidade humana.
“Apresia ba Fundasaun Cristal, Instituisaun Edukativa ida ne’e, konsege hari’i eskola iha Munisipiu hitu, nu’udar dalan ida lori sidadaun sira hodi asesu ba Edukasaun. Edukasaun mak bele promove kualidade Humana, hodi halakon mukit, ki’ak no lori ema oinsa sai sidadaun no sarani ne’ebe di’ak tuir sistema preventivo Don Bosco”. Hato’o husi Amu Selebrante hodi hakotu.
Husi parte Prezidente Ezekutivu Fundasaun Cristal Dr. Agostinho dos Santos Gonçalves, lori Instituisaun Edukativa Cristal – Fundasaun Cristal, dehan misa asaun grasa ne’e, hanesan gratidaun no kontinua reza ba Santu Padre, nune’e Nasaun ne’e, kontinua moris iha Dame, no paz nia laran.
“Instituisaun Edukativa ida ne’e, hili Santu Padre hanesan padrueira hodi tau matan ba edukasaun. São João Paulo II, hanesan modelu ba paz, Dame no Domin. Ba Instituisaun Edukativa nian, mai ita eduka, oan sira ho domin, tanba legadu ne’ebe Santu padre husik hela imporante tebes hodi tau iha pratika moris”. Diskursu husi Prezidente Ezekutivu FC.
Koru Instituto Superior Cristal
Observasaun media ne’e nian koru ba misa ne’e, responsabel husi Instituto Superior Cristal hatudu lian no knanuk ne’ebe, kapas tebes.
Discussion about this post