Sidadaun lubuk ida iha loron Kuarta(12/08)semana ne’e, iha ofisiu DNTT(Inspesaun ninian), Comoro -Dili, hakerik no dada i’is ba presu ka aumenta osan inspesaun motor – Kareta tanba bainhira dokumentu viatura nian mate liu de’it loron ida, selu ona dollar lima nulu resin hat, certavus lima nulu. Politikan ne’e, tuir sidadaun balu hanesan mehi derepenti implementa ona.
“Hasa’e tasa lalais de’it. Salariu husi 115, de’it atu sae tetu ba tetu. Inspesaun ba kareta – motor mós aumenta bebeik, maluk sira ne’ebé, tarde trata dokumentu tenki selu duplu. Ida ne’e laiha valansu tanba ema balu laiha rendimentu di’ak tanba menus kampu servisu”, hato’o husi sidadaun nasional ida iha DNTT – Comoro, Dili bainhira trata dokumentu ba nia motor, iha loron Kuarta(12/08)
Tanba ne’e, nia sujere katak, ba Governu ida ne’e, atu tetu fali politika hasa’e taxa ba inspesaun nian tanba sai preokupasaun ida ba sidadaun ki’ik sira, ne’ebé uza motorizada no kareta privadu iha Timor – Leste.
“Labele tur – tur de’it depois hanesan mehi DEREPENTI aumenta ona taxa la liu husi estudu ruma. Tanba sa la aumenta uluk ema nia salariu ida be’e dollar atus ida – sanulu resin lima ne’e, nakdedar mak hasae uluk taxa. Keta ba be’e osan sira ne’e selu hotu fali funsionariu Kazuais sira hanesan foin dadaun fonte balu deklara katak, funsionariu kazuais barak liu fali funsionariu permanente iha TL”
Fo hanoin fali katak, antes ne’e, dirijente DNTT nian nivel Nasional fo esplikasaun ida katak, razaun ida hasa’e taxa hodi eduka sidadaun sira atu sai disiplina tanba kareta no motor barak finzi la liga maske sira nia dokumentu kareta no motor data inspensaun liu ona data limite.
“Parte ida hanesan edukasaun ba ita nia sidadaun sira oinsa uza transposrte publiku – privadu ho disiplina iha parte inspesaun nian. Taxa ida agora ne’e, di’ak liu fali regra ida uluk nian ne’e”. Esplika husi diretor balu iha parte DNTT, foin lalais.
Discussion about this post