Dili, 09/10/2023. Mais ou menus tuku lima liu minutu 20 otl, sidadaun feto ida hanesan inan uza motor Mio Beat sama nia ona feto, bainhira liu estrada –aspas ondas(Bubu- tu’un sa’e),nune’e tatidik maka’as, labarik hamri’ik deit iha motor oin, monu sai ba oin ulun baku ba aspas roda kotuk sama iha ai loos, parte kelen hodi silu ba kotuk.
Asidente ne’e mosu iha Portu Dili nia oin, iha loos kedas fatin soke husi matebian Mario Viegas Carascalão.
Motor refere tu’un mai husi otel Timor, ba diresaun Igreja Motael ninian.
Entretantu hafoin monu ba rai, vitima mós sorte aat tanba motor bebek ida husi kotuk, halai lansadu maibé lakonsege sama tan vitima, nune’e nia inan konsege kous hikas hodi lori ba hospital.
“Mio ne’e perigosu. Tula ki’ik oan sira labele tau iha oin tanba traba derepente sertu sira monu sai”, lian husi sidadaun balu ne’ebé konsege ajuda vitima ho nia inan.
Husi akontesimentu ne’e, laiha prezensa husi Polisia Tranzitu no la rezulta engarafamentu.
Discussion about this post