Diskunfia Balkaun Uniku Balu Hamosu Diskriminasaun – Grupuismu iha Atendimentu

Balkaun Úniku mak fatin ida de’it hodi hetan servisu públiku oi-oin(Sentru Atendimentu), ho objetivu tolu (3) prinsipál mak hakbesik servisu ba sidadaun, moderniza no simplifika atende, no promove transparénsia.

Maske nune’e iha Munisipiu Manatuto, no Baukau tuir sidadaun balu nia lian dehan, sira mai husi fatin dok depois, Balkaun Uniku liuhusi funsionariu sira simu ema nato’on de’it no dala ruma mosu hahalok Diskriminasaun – Grupuismu iha atendimentu nian tanba ema balu mai tarde bele hetan lalais atendimentu signifika iha koneksaun ida ne’e fasil asesu hodi trata dokumentu.

“Ami be’e mai husi postu Laclubar inklui postu seluk ne’ebe dok iha munisipiu ne’e, lakon tempu barak hodi hakarak hetan de’it dokumentu balu maibe ne’e susar tebes to’o mai sira dehan, simu ema limitadu ami diskonfia keta mosu diskriminasaun no grupuismu iha laran karik mak buat sira mosu hanesan ne’e,” lamenta husi sidadaun ida ho naran Jose Saores(42), husi postu Laclubar, iha servisu atendimentu publiku ida lokaliza iha administrasaun Munisípal Manatuto vila fulan Jullu 2026.

Hatan ba preokupasaun ne’e, tanba sa simu ema limitadu iha balkaun Uniku, resposta balu dehan, simu ema limitadu bazeia ba jestaun internal hodi kontinua garante funsiomentu atendimentu ida ne’ebé di’ak.

Foto Facebook Ilustrasaun Balkaun Uniku Aileu

Enkuantu iha fali munisipíu Baukau, loron 30 fulan Julu 2026 ne’e, odamatan Balkaun nian rahun tanba de’it komunidade sira dudu malu to’o rezulta vidru odamatan Balkaun nian rahun bainhira trata Billente de Identidade(B.I)

Tuir informasaun katak, maske Governu Estabele ona Balkaun Uniku hodi hala’o atendimentu ida modernu, simplifika no promove transparénsia maibé tuku hitu dader de’it, benefisiariu sira forma ona iha odamatan entrada nian hodi hakarak tama ba balkaun Uniku nian antes funsionariu sira tama servisu  bazeia ba orariu ne’ebé iha.

Entretantu pesoal funsionáriu balu ne’ebé servisu iha Balkaun Uniku postu Baukau Vila nian hato’o deklrasaun dehan, normalmente atendimentu la’o normal tuir orariu ne’ebé iha, maibé atetude sidadaun balu nian ladu’un  pasensia hodi hamosu komentáriu negativu balu inklui tanba aktu dudu malu harahun mós odamatan balkaun nian hanesan akontese iha Munisipíu Baukau Vila iha loron 30 fulan Jullu 2026.

“Husu ba ema hotu nia konsiensia bainhira hala’o tratamentu  dokumentu iha sentru Balkaun Uniku  ho pasiensia atu nune’e labele prejudika ba servisu Administrasaun Publiku”. Deklarasaun husi  koordenador Balkaun  Uniku Munisipiu Baucau, liuhusi pagina Prezidente Autoridade Munisipiu Baucau, loron 30 fulan Jullu 2026.