Dili, 01/08/26. Iha loron 31 fulan Jullu 2026, mosu kazu sivil ida iha Bairo balu iha Dili, ho natureza tiu Manuel(58), hasai lia fuan sensual ba Ai-funan ida ho naran Leonia(La’os naran loloos – kaben nain) sigfinika tiu Manuel hakarak sa’e bisikleta ho Leonia ba pasear.
Maibé kondisaun Leonia ho oan ida, no rejeita tiu Manuel nia pedidu, nune’e basa iha tiu Manuel nia oin laran, rezulta katuas Manuel monu ba rai tanba antes ne’e, tiu Manuel mos moras hela ho kondisaun tensaun alta.
“Tiu Manuel la’ós ami – nia familia nia katuas ona, maibe koñese malu tanba de’it hela hamutuk iha uma aluga ida ne’e kuaze tinan ida. Nia Mangame fali “Hakarak sa’e bisikleta ho ha’u, dehan ha’u bonita” entaun ha’u ho hirus tuku no basa iha nia oin laran to’o katuas monu ba rai ikus mai tanba familia balu mos hela iha ne’e, familia sira foti problema ne’e sai kestaun maibe ikus mak identifika katak, problema nia hun mak mai duni husi tiu Manuel,” esplika husi Leonia.
Foto Facebook
Tuir Leonia nia deklarasaun katak, fofoun tiu Manuel goja ona “O Bonita los ha’u fo osan ….. ita rua sa’e bisikleta, entaun ha’u komprende ema katuas ona, nune’e ha’u dehan, labele pai ha’u mos iha laen(Servisu iha rai liur) maibe ikus mai akontese ba dala rua, ho lia fuan hanesan mak ha’u nervosu no basa iha oin laran”
Haree ba problema ne’e parte rua diskuti malu, uma nain mós halo intervensaun hodi deside familia Leonia nia hamutuk ho membru familia kuaze nain hat, sai husi uma aluga refere hodi ba aluga fali uma iha fatin hanesan, maibe distansia do’ok ituan husi fatin akontesimentu.
“Ami perdua ona tiu Manuel nia hahalok signifika Maromak mos perdua ona ami. Ami deside mai hela fali iha uma tomak ne’e, evita husi problema. Agora aluga fali uma tomak ne’e, bele dehan seguru maibe por mês hamutuk ho familia sira selu osan ho montante 200 dollares”. Hato’o husi Leonia nia aman ho Inisial J. Soares(60), hodi hakotu.
Discussion about this post