Sesta feira(25/03), mais ou Menus tuku hat liu minotu 15, otl, embaixador Japaun ba Timor – Leste, Masami KINEFUCHI asina kontratu projetu Fundu Asistensia ba Seguransa Umana iha Nivel Base(GGP), ligasaun ho projetu ba Edukasaun no Saúde, hamutuk ho ONG sira mak hanesan MAHON, FUNDAMOR, HADESTA, no ONG FORUM TAU MATAN. Parte Protesaun Civil, mos nu’udar benefisiaria ida husi asina fundu ne’e, hodi kompleta fasilita kareta bombeiru rua ba Munisipíu Suai, kuantidade ida ba Munisipiu Baukau. Serimonia asina fundu ne’e, realiza iha embaixada Japaun – Dili.
Parte ne’ebe sai testamuna ba utilizasaun fundu GGP ba tinan 2022, asiste direta husi Ministru Edukasaun Joventude no Desportu Armindo Maia, hamutuk ho Vice Ministru Saúde, Bonifacio Mau Coli dos Reis, prezensa mós husi Sekretáriu Estadu Protesaun Sivil, Joãquim José Gusmão dos Reis Martins.
Tuir dadus ne’ebé Time Timor asesa, total osan husi fundu GGP kobre ba projetu lima iha area rurais, montante fundu kuaze $ 461, 226. Kada projetu montante diferente.
Fundu GGP ba Edukasaun kategoria nivel base
- Projetu Konstrusaun Edifisiu Eskola EBF Anapal iha Suku Molop, postu Administrativu Bobanaro, responsabiliza husi ONG Mahon. Osamentu ba projetu kuaze $ 92,592.
Responsabel obra sei konstrui edifisiu ho sala tolu(3), inklui sala ida ba manorin nain sira. Aranja mós fasilidade eskolar nian, nune’e, bele hadi’a ambiente edukasaun ba estudante kuaze atus ida rua nulu resin neen(126)hamutuk ho edukador na’in hitu(7) iha eskola EBF Anapal.
- Projetu kontrusaun edifisu Eskola EBC Leosari iha suku Serelau, postu administrativu Lautem, Munisipiu Lautem. Responsabel ba obra mak FUNDAMOR, ho osamentu obra kuaze $ 90, 967. Osamentu ne’e, utiza hodi kontrui sala tolu, sentina lima, no seluk tan ho objetivu hadia ambiente edukasaun ne’ebé Ijieniku ba estudante atus lima rua lima nulu resin hitu(257).
Fundu GGP ba Saúde nivel base
- Projetu Konstrusaun Postu Saude iha Balibar, postu administrativu Cristo – Rei, Munisipíu Dili. Responsabel obra mak ONG HADESTA. Osamentu ba obra kuaze $ 92, 592. Postu saude ne’e, sei kompleta ho sala konsulta jeral, sala konsultasaun maternidade, sala emerjensia no sentina lima (5). Projetu ne’e sei tulun komunidade, hodi asesu ba servisu mediku nian.
- Projetu konstrusaun postu saude iha suku Uaimori, postu administrativu Viqueque. Responsabel obra mak ONG Forum Tau Matan(FTM). Osamentu ba Konstrusaun kuaze $ 92, 592. Tuir planu postu saude ne’e, sei konstrui sala konsultasaun jeral ida, sala maternidade, no sentina tolu(3).
Fundu GGP ba area Protesaun Civil (Nivel Munisipíu)
Sekretáriu Estadu Protesaun Sivil, Joaquim José Gusmão dos Reis Martins, hateten fundu GGP ba protesaun Civil, Governu Japaun oferese tan kareta tolu ba Governu Timor – Leste, parte bombeirus sei, lori kareta rua ba apoiu servisu iha Suai, hodi bele suporta atividade perfurasaun mina ne’ebe oras ne’e la’o daudaun, karik presiza prezensa Governu nian. Tuir Joaquim kareta ida, sei lori ba Baukau, hodi bele fasilita di’ak liu tan servisu bombeirus iha Munisipiu Baukau ne’ebe nu’udar segundu sidade Timor – Leste nian.
Haree ba asina akordu hamutuk ho parte sira ne’ebé iha leten, embaixador Japaun ba Timor – Leste, Masami KINEFUCHI, iha esperasnsa bot ba parte hotu, atu hala’o obra ho responsabilidade, nune’e, lori duni benefisiu ba grupu ne’ebé mak sai tarjetu husi obra sira ne’e.
Enkuantu parte Governu Timor – Leste, liuhosi Ministru Edukasaun Joventude no Desportu(MEJD) ministru Armindo Maia, Vice ministru Saude, Bonifacio Mau Coli dos Reis, husu ba ONG lokal sira, ne’ebé kaer obra, atu serivu ho professional pelu menus termina obra tuir tempu ne’ebé, determinadu ona.
Bonifacio Mau Coli dos Reis, lori Governu nia naran hato’o agradese ba povu no Governu Japaun, tanba liuhusi fundu GGP, ida ne’e tulun duni povu Timor – Leste, atu moris saudavel iha parte Saúde, tuir planu estratejiku 2011 – 2030.
“Agradese ba povu no Governu Japaun, ne’ebé durante ne’e, hatudu apoiu solidariedade ida ne’ebé di’ak tebes hodi tulun povu Timor – Leste, la’os de’it iha areas infraestrutura, maibé investe maka’as mós iha kontrusaun klinik ano postu saude nian”. Deskursu vice ministru iha embaixada Japaun Dili, sesta(25/03).
Enretantu Sekretáriu Estadu Protesaun Sivil, Joãquim José Gusmão dos Reis Martins, rekoñese durante ne’e, Governu Japaun liuhosi nia embaixada iha Dili iha tinan 2014, oferese ona kareta bomberius hamutuk 5, ba tinan 2022, entrega tan kareta segunda maun kuaze tolu. Tanba ne’e, Kooperasaun sei lapara bele kontinua hodi bele tulu protesaun civil Timor – Leste, hodi hala’o atendimentu ida di’ak hodi responde povu nia halerik bainhira akontese dezastre naturais.
Tinan 20 Lasu amizade Entre Timor no Povu Japaun
Hafoin termina asina fundu GGP tinan 2022, iha embaixada Japaun – Dili, sesta(25/03/2022), selebra mós festa ba tinan 20 lasu amizade Entre povu rai rua.
Parte Japaun rekonese, iha tinan 20 liu ba, depois 1999, tama ba tinan 2002, Japaun deside hodi kria Fundu ida oinsa ajuda Timor – Leste, antes restaurasaun Independensia iha loron 20 fulan Maiu 2002.
Ba tinan ida ne’e(2022), tuir Parte rua, deklara iha embaxada Japaun katak, ho tinan 20 ne’e espesial tebes, tanba povu rai rua iha ona lasu amizade ida metin. Nasaun Rua mós hanesan Nasaun ne’ebe konesidu ho loron Moris matan moris ka bolu Nasaun Loron sa’e. ****(TTM)
Discussion about this post