Pe. Manuel Pinto, SDB, nu’udar kapelaun ba Instituisaun Edukativa Cristal (IEC), husu ba estudante sira ne’ebé buka matenek iha Cristal, hahú husi ensinu básiku to’o ensinu superior (ISC), nafatin husu tulun ba Inan Maria Auxiliadora, tanba bainhira reza ho laran, iha devosaun bot ba Nia, mak sei haree milagre sira, iha ida- idak nia moris.
“Iha loron 24 fulan Maiu, nu’udar loron ba Inan Maria Auxialidora. Nia mak Auxilia ita, nune’e ba estudante Cristal hanesan sarani, presiza harohan ba Nia, bainhira hakarak la’o tuir dalan santidade”, amu kapelaun hato’o asuntu ne’e ba estudante, dosente no funsionáriu sira Cristal nian, liuhosi selebrasaun misa ba padrueira Instituisaun Educativa Cristal/Fundasaun Cristal, ne’ebé hala’o iha Balide – Dili, tersa (24/05).
Antes termina amu provinsial ne’e dehan, bainhira Don Bosco hahú tinan 9, santu ne’e, fiar metin no iha devosaun bot tebes ba Inan Maria Auxiliadora, tanba ne’e, hetan milagre oin – oin, ikus mai konsege lori joventude no sarani sira ba dalan ne’ebé di’ak.
Fatin hanesan Rafael Savio, nu’udar presidente eventual ba atividade hotu iha Cristal, tinan letivu 2022 dehan, Kada tinan sempre iha misa, espesial hodi selebra loron padrueira nian, alende ne’e, agradese ba Maromak tanba Timor – Leste konsege selebra eventu importante rua iha fulan Maiu.
“Ho Misa ida ne’e ba eventu tolu. Primeiru misa asaun grasa ba padrueira inan Maria Auxiliadora. Agradese mós ba Maromak, relasiona ho Restaurasaun RDTL ba dalan rua nulu, inklui fó obrigadu ba kbit ispiritu – santu, tanba Timor – Leste, iha ona Presidente foun ba periodu 2022 – 2027”. Hato’o husi presidente eventual.
Observasaun Time Timor nian, depois termina omilia husi amu kapelaun, Senadu husi Departamentu rua, Siensia Saúde no Edukasaun, hamutuk ho membru senadu, simu kedas knar ofisial, no hala’o mós juramentu, hodi sai matan, tilun, ibun ba estudante sira hotu, iha Instituto Superior Cristal.
Tanba ne’e, Reitor ISC, Sebastião Pereira, hamutuk ho Presidente Ezekutivu Fundasaun Cristal Agostinho dos Santos Gonçalves, husu ba senadu atual ba tinan rua(2022 – 2023), hala’o servisu ida ne’ebé labele kahor ho tendensia politika, maibé hala’o knar tuir prinsipiu jeral nu’udar senadu iha nivel ensinu superior nian. **** (TTM)
Discussion about this post