Zelio da Costa Freitas, presidente komisaun organizadora ba Eventu Certame tinan 2022, dehan, Instituisaun Edukativa Cristal(IEC), hahú hikas fali atividade Certame iha tinan letivu ne’e, tamba durante tinan rua nia laran(2020 – 2021), ho Covid – 19, atividade ne’e paradu.
Nia esplika katak atividade certame, inklui atvidade sira ne’ebé realiza iha Cristal hahú husi fulan Maiu to’o fulan Juñu 2022, ho objeitvu tolu, selebra loron restaurasaun RDTL, 20 de Maiu 2022, festeza existensia Fundasaun nian ba dala 38, inklui selebra loron pedrueira Fundasaun Ceristal/Institusaun Edukativa Cristal tinan 2022.
“Durante tinan rua liu ba, ita labele konvida eskola sira iha Dili, hodi partisipa iha eventu certame tamba Covid. Atividade hotu, hodi festezaa loron restaurasaun RDTL ba dala rua nolu, komemora mós, loron padurueira Maria Auxiliadora(24/05), inklui eventu loron ezistensia Institusaun Edukativa Cristal ba dala 38, ne’ebé sei monu iha loron 5 fulan Juñu 2022”, lian presidente komisaun organizadora hato’o ba Jornalista sira, liuhosi entrevista iha salaun enkontru Cristal, Balide – Dili, kinta(19/05).
Hatan pergunta balu konaba bainhira mak eventu sira ne’e hahú, profesor Zelio dehan, atividade certame inklui atividade seluk, komesa husi loron 19 fulan Maiu, termina iha loron 4 fulan Juñu 2022.
“Certame ohin ita hahú ona, hodi konvida eskola seluk. Atividade hotu sei termina iha loron 4 fulan Juñu mai, iha ne’ebé, bainhira tama ba loron 5, nu’udar loron ezistensia Instituisaun Edukativa nian, sei iha misa ida, ne’ebé tuir planu sei prezide husi amu Bispo metro politania Diocese Dili, Dom Virgilio do Carmo da Silva, SDB.” nia hato’o.
Edukador ne’e haklean katak, eventu certame importante ba estudante sira, liu –liu ba eskola hotu ne’ebé mai partisipa iha Cristal hanesan nivel primeiru – Segundu cisclo, no nivel sekundariu sira.
“Atu hasa’e no hatene tuir estudante sira nia kapasidade, dalan ida mak certame. Atividade ne’e, hola parte iha prosesu aprendizajen ninian. Cristal iha tinan ne’e, konsege konvida eskola lubuk ida mak haneesan Canossa, 10 de Desembru, eskola São Jóse Operario, no seluk tan” Nia hakotu.
Observasaun Time Timor nian, relasiona ho eventu certame, alende partispa husi eskola sira liu –liu iha Dili, iha mós equipa sira hanesan Juri nian, observador, no mos reprezentante husi kada eskola sira ne’ebé hola parte iha eventu refere. *****(TTM)
Discussion about this post