EMBAIXADOR Republika Indonesia ba Timor Leste , Sahat Sitorus liu husi Funsaun Konsuler KBRI Dili, Yulius Mada Kaka husu ba negosiantes WNI (Warga Negara Indonesia) ne’ebe foin lalais ne’e hetan re-lokasaun husi Kampung Alor ba Golgota no balun ba Bonavide Shopping Center, atu kumpri regras ne’ebe vigora iha Timor Leste (TL).
“Prosesu re-loka- saun fatin negosiante WNIhusiKampungAlor ba Golgota lao diak, tanba KBRI Dili servisu hamutuk ho Administrador Munisipiu Dili, Sr. Gaspar Soares atu prosesu re-lokasaun negosiante WNI ne’e ho dignu. KBRI Dili apresia tebes ho negosiante WNI ne’ebe kumpri desizaun husi Governu Timor Leste,” dehan Funsaun Konsuler KB- RI Dili, Yulius Mada Kaka iha serimonia agradesementu loke Bonavide Shopping Center iha Fatuhada, Dili, foin lalais nee.
Yulius Mada Kaka apresia tebes ba inves- tor fen-laen (Indonesia- Timor Leste), Vincent Tjungriady no Lily Ivan Ching, ne’ebe ho laran luak fo oportunidade ba negosiantes WNI husi Kampung Alor ne’ebe la bele prienxe fatin lato’o atu aluga fatin iha Golgota. negosiu iha Golgota
Bainaka sira ne’ebe marka prezensa iha serimonia agrade- sementu loke Bonavide Shopping Center iha Fatuhada ne’e maka Xefe Suku Fatuhada, Marcelino Soares, reprezentante KBRI Dili, Yulius Mada Kaka, Padre Nivio, Koordenador Negosiante WNI, Andi Rusdi, familia boot Bonavide Shopping Center no trabalhador Bonavide sira.
Konsuler KBRI Dili, Yulius Mada Kaka hatete fatin ne’ebe negosiante WNI uza
ne’e estratejia tebes, tanba ne’e tenke uza ho diak no la bele haluha dokumentu sira hane- san, izin usaha no sel- seluk tan ne’ebe presi- za relasiona ho ativi- dade negosiu ne’e. “Dala ida tan hau husu ba negosiante WNI sira ne’ebe halao atividade negosiu iha Bonavide Shopping Center ne’e, atu kumpri regras sira ne’ebe vigora iha TL,” tenik nia.
Nia mos hatete ka- tak odamatan KBRI Dili nakloke ba sidadaun Indonesia ne’ebe halao sira nia atividade bisnis iha TL. “Bainhira mosu problema ruma karik tenke konsulta ho KBRI Dili atu nune’e bele buka dalan hodi rezolve lalais,” dehan Yulius.
Yulius Mada Kaka husu mos ba sidadaun Indonesia iha TL atu rai didiak dokumentu sira hanesan, passaporte, no dokumentu sel-seluk ne’ebe presiza iha bainhira hela iha ema nia rain. “Ita nia estatus ne’e WNA, ne’ebe ita tenke hatene aan hela iha ema nia rain, tenke iha dokumentu legal,” hatete Yulius.
Entretantu, Xefe Suku Fatuhada, Marce- lino Soares hatete nia agradese tebes ba investor fen-laen, ne’ebe loke oportunidade ba Timor oan sira bele servisu iha Bonavide Shopping Center ne’e. Tanba ne’e, nia husu ba povu no juventude suku Fatuhada atu asegura fatin ida ne’e, liu-liu ba negosiante WNI ne’ebe aluga fatin ida ne’e hodi halao sira nia bisnis.
Ba negosiante WNI sira ne’ebe uza fatin ida ne’e, Xefe Suku Mar- celino husu atu kuidadu ho lixu, tanba fatin ida ne’e besik dalan protokulu nomos besik institusaun militar F- FDTL. “Ba hau kona ba seguransa la duvida, tanba fatin ida ne’e hateke malu ho insti- tusaun militar F-FDTL. Hau nia odamatan nakloke ba negosian- tes WNI bainhira pre- siza konsultasaun ruma. Kualker oras hau prontu simu telefone karik mosu problema ruma,” katak Xefe Suku Marcelino.
Nain ba Bonavide Shopping Center ka Bonavide One Stop Shop, Vincent Tjungria- dy no Lily Ivan Ching, hato’o agradesementu ba bainaka sira ne’ebe marka prezensa iha serimonia nee. Tuir Vincent ho Lili, Bonavide Shopping Center
ne’e harii iha etape rua. Etape primeiru, harii iha fulan Junhu 2016, no finaliza iha fulan Abril 2017. Etape segundu, hahu iha fulan Julhu 2018, no finaliza iha fulan Abril 2019.
Bonavide One Stop Shop ne’e, kompostu husi andar tolu ho luan 4.500m2, iha kuartu hamutuk 76 ho medi- das ne’ebe variativa. “Ami harii Bonavide One Stop Shop ne’e tanba mini mall hane- san ne’e seidauk barak iha Dili. Tanba ne’e iha hanoin atu harri mini mall ho objetivu atu dudu ekonomia iha rai laran no fo oportunidade ba negosiante sira ne’ebe presiza fatin atu halao negosiu.
“Bonavide One Stop Shop ne’e loke ba ema hotu ne’ebe presiza fatin negosiu iha fatin estratejiku. Ami agra- dese tanba negosiante Kampung Alor presiza fatin ida ne’e atu halao sira nia bisnis, tanba
governu TL re-lokasaun fatin iha Kampung Alor ne’e ba Golgota,” katak investor fen-laen ne’e.
Iha fatin hanesan, koordenador nego- siante WNI Bonavide Shopping Center, Andi Rusdi hatete nia agradese tebes ba nain Bonavide Shopping Center, tanba bele fo oportunidade ba sira aluga fatin ne’e hodi halao atividade bisnis.
Tuir nia, serimonia agradesementu loke Bonavide Shopping Center ne’e hanesan lalaok ida atu hametin liutan toleransia entre reliojiu sira, tanba sira ne’ebe halao bisnis iha fatin ida ne’e mai husi relijiozu oi-oin. “Lori negosiante sira nia naran hau hato’o agra- dese ba bos Bonavide Shopping Center no autoridade lokal Suku Fatuhada ne’ebe laran diak bele simu ami hodi halao atividade negosiu iha fatin ida ne’e,” katak Andi Rusdi. (Ale)
Discussion about this post