Sidadaun ho Naran Francisco Baptista (33) hela iha aldeia Liasuku – Venilale, Baukau dehan, Moris ne’e, Maromak mak haraik mai ita, ida – idak. Ita Nia moris no peregrinasaun iha mundu ida ne’e, hanesan grasa.
Tan ne’e nia rekonese, nu’udar ema fiar Na’in, tenke hanoin katak, moris ne’ebé iha valor Knar importante ida mak tulun malu iha hahú husi kedan familia, eskola, no sociedade.
“Hahalok tulun malu nu’udar knar obrigatoriu no ema ida – idak tenke implementa antes hakotu iis iha mundu furak ida ne’e.” dehan nia ba Time Timor iha Venilale, segunda(08/02)
Tuir nia hanoin balu katak, Ko’alia konaba maneira, ema ho ema tulun malu iha familia, no sociedade hanesan tuir mai:
- Ajuda ai – han ba ema ne’ebé presiza.
- Karik ema ruma husu ajuda urgente ezemplu iha viziñu labarik moras iha kalan boot lori ba hospital husik tempu ituan ba sira
- Ita nia orasaun, korajen, motivasaun, konsola ida ne’e mós tulun ona ema ne’ebé hasoru problema
Hanesan ema sarani nia hato’o, dala barak iha ema lubuk nia moris haluha tiha knar balu hanesan temi iha leten konaba tulun malu, mas orienta liu fali ba asuntu ne’ebé fó benefisiu ba aan rasik. Ezemplu:
- Buka Riku?
- Buka haterus nia maluk?
- Buka de’it halo sala? ka
- No seluk tan hanesan esplorasaun no seluk – seluk.
Nu’udar ema sala nia Francisco dehan – Klaru ita hotu la prefeitu, sala na’in, maibé knar ida ne’ebé los tuir Maromak nia hakarak ba ita ema mak, buka tulun malu bainhira ida susar. Tanba susar sei kona ita iha tempu sira tuir mai. Antes hakotu Joven ne’e hato’o mensajen badak tebes katak, fahe netik saida mak o iha, hodi hakma’an I nia maluk nia susar no terus.***(Oscar)
Discussion about this post