Vizita Santu Padre mai iha TL Hatudu:Domin ba Igreja Universal no ba Povu Timor – Leste Hametin Identidade Nu’udar Nasaun Katólika     

Santu Padre Francisco sei vizita Timor-Leste, no sei hamri’ik iha ninia bibi-lubun nia leet, iha loron 9, 10 no 11 fulan-Setembru 2024.

 Foto Facebook

Nu’udar ema katóliku Timor-Leste nian, ami sente orgullu tebes ba vizita Vigariu  Kristu nian ne’e, tanba vizita ne’e hala’o husi Santu Padre Francisco tinan 35, hafoin vizita ikus husi Sua Santidade  João Paulo segundu mai  Timor-Leste, ne’ebé hala’o iha loron 12 fulan-outubru tinan 1989, iha ne’ebé Timor-Leste, iha tempu ne’ebá, hetan terus no opresaun husi forsa okupante nian, tau nia aan iha mapa polítika mundiál nian.

Vizita ida-ne’e mós hatudu katak Papa hakarak hatudu domin ba Igreja Universal no ba povu Timor-Leste nia domin no hametin mós povu Timor-Leste nia identidade nu’udar nasaun katóliku.

 Ha’u sente orgullu ho vizita ida-ne’e no ha’u fiar katak povu Timor-Leste mós sente orgullu, tanba ne’e fó sasin ba Sua  Santidade, esperiénsia katólika iha nasaun ida-ne’e no katak Timor-Leste hetan ona no kontinua hetan bénsaun husi Maromak, to’o iha pontu ne’ebé refere ba Timor-Leste nu’udar Rai ka Terra Santa Cruz.

Bainhira Sua Santidade  João Paulo II nia vizita loke tiha ona timoroan sira-nia horizonte ba posibilidade panorama  polítiku seluk ne’ebé fó dalan ba Timor-Leste atu tau iha mapa, hein katak vizita ne’e husi Papa Francisco bele sai nu’udar injesaun ba esperansa ba nasaun ida no povu ida-ne’ebé hakuak  liberdade, maibé seidauk konsege halakon  espektrum  kiak no sub- dezenvolvimentu. Vizita ida-ne’e hala’o iha kontestu sosiál ne’ebé iha priviléjiu boot liu no sai hanesan bénsaun boot ba ema hotu, maske iha tinan rua nulu ikus ne’e ita-nia lider sira la konsegue entende  malu. Espera katak Papa loke perspetiva ne’ebé presiza ba ita-nia lider sira atu hanoin kona-ba oinsá sira bele ajuda nasaun ne’e atu haburas no hadi’a kondisaun moris povu Timor-Leste nian.

Ho ida-ne’e, ami sente orgullu tebes ho vizita ne’e husi Papa Francisco, nu’udar Vigariu Kristu nian, tanba sei fó milagre inkondisional  hodi bele hetan moris  

Dili, 16/08/ 2024

Dr. Agostinho dos Santos Gonçalves

 Presidente Executivo da Fundação Cristal