Ho ordenasaun episcopal ba Dom Leadro Maria Alves, hahú husi loron 21 fulan Jullu 2023, sarani Diocese Baucau, Timor – Leste, iha ona bispu foun, hodi troka amu bispu maktoban Dom Basilio do Nascimento.
Silvia Dili
Realizasaun ordenasaun Episcopal ne’e, sarani Diocese Baucau, iha esperansa foun ba Dom Leadro Maria Alves katak, sei tau matan di’ak liu tan ba sarani hotu – hotu, liu –liu sarani iha diocese nia laran, tanba durante ne’e, ho falicimentu Dom Basilio do Nascimento, ne’ebé Nai Maromak bolu ona, husik hela tristeza ida ba uma kreda Timor ninian, liu – liu, sarani iha Diocese Baucau, ne’ebe sente lakon tebes ho bibi atan di’ak Dom Basilio do Nascimento.
Fundasaun Cristal – Instituisaun Educativa Cristal
“Diocese Baucau Hari’i, ami hamutuk ona ho bispu maktoban Dom Basilio do Nascimento. Bispu ida ne’e, ba ami nu’udar aman no husik hela obra oin – oin. Ho nia falicimentu, ami sarani Baucau sente triste maske loron ida, ita hotu sei tuir nian”, lian ida husi sarani balu iha Diocese Baucau ne’ebé espresa ho espresaun triste no kontente tanba iha fali ona bispu foun, hodi subtitui Dom Basilio. Entretantu esperansa husi parte Akademika, sociedade Civil, no parte Militar inklui sarani sira iha Diocese tolu, Baucau- Dili, Maliana, iha neon ida laran ida katak ho ordenasaun Episcopal ba bispu foun diocese Baucau husu ba sarani no kreda Timor – Leste, hamutuk reza ba Saseluk Kristu ne’e, hodi bele hala’o nia knar hanesan bibi atan –bispu foun ba Diocese Baucau ninian
Discussion about this post